Marie Tannæs
| Marie Tannæs | |
 | |
| Statsborgarskap | Noreg |
| Fødd | 19. mars 1854 Christiania |
| Død |
20. februar 1939 (84 år) |
| Yrke | kunstmålar |
| Marie Tannæs på Commons | |
Marie Katharine Helene Tannæs (19. mars 1854–20. februar 1939) var ein norsk målar som er kjend for haustmotiva sine.[1] Ho debuterte på Haustutstillinga i 1883.
Liv og virke[endre | endre wikiteksten]
Bakgrunn[endre | endre wikiteksten]
Faren til Tannæs var sokneprest Arne Tannæs (1814–79); han var ven med totenmålaren Christian Wexelsen (1830–83) som meinte Marie burde gå målarstigen. Noko som ho gjorde, og let seg inspirere til å ta for seg dei haustlege motiva frå naturen. Mora Maren Udnæs (1822–85) var dotter av Gabriel J. Udnæs (1791–1846) som eigde Vøienvolden gård. Tannæs sitt måleri Senhøstes (1896) i Nasjonalgalleriet er måla på Vøienvolden, i likskap med Høst frå 1924.[2]
Utdanning og målarkarriere[endre | endre wikiteksten]
Hausten 1872 byrja Tannæs på Teikneskulen der Wexelsen var lærar.[3] Hausten 1884 byrja ho på sine tre år ved den private kunstskulen til Christian Krohg, Hans Heyerdahl og Erik Werenskiold.[4] Ifølgje Norsk kunstnerleksikon er ho inspirert av Werenskiold både i teknikk og målemåte.[5]
Tannæs hadde studieopphald i Frankrike 1888–89 og 1892, der ho fyrst studerte under Gustave-Claude-Etienne Courtois[6] ved Académie Colarossi, og i 1892 hos Pierre Puvis de Chavannes (1824–98). På Verdsutstillinga i Paris i 1889 fekk ho mention honorable for Hoff ved Skøyen med det fyrste snøfallet om hausten. Ho blei tildelt bronsemedalje ved Verdsutstillinga i Paris i 1900 og sølv på Verdsutstillinga i San Francisco i 1915.[4]
Så følgde studieopphald i Italia 1898 saman med Signe Scheel, og i 1901–02 på Sicilia samstundes med Severin Segelcke (1867–1940).[1][7]
Tannæs var styremedlem i Bildende Kunstneres Styre 1913–15 og medlem av juryen for Haustutstillinga 1909–14; her stilte ho elles ut nesten kvar haust frå 1883 til 1934.[1]
Tannæs er representert i Nasjonalgalleriet, Bergen Billedgalleri, Trondheim kunstmuseum, Stavanger Kunstmuseum og Oslo bymuseum.[1]
Galleri[endre | endre wikiteksten]
-
Borgen Gård i vestre Aker, 1895 -
Brochmannshaugen, 1900 -
Vøienvolden, 1893 -
Tjuvholmen, 1883 -
Vøyenvollen, 1924
_-_1893_-_Stavanger_kunstmuseum_-_SG.0234.jpg)
Referansar[endre | endre wikiteksten]
- ↑ 1,0 1,1 1,2 1,3 Anne Wichstrøm og Svein Aamold, Marie Tannæs i Norsk kunstnerleksikon.
- ↑ Høst fra jubileumsauksjonen 2012, gwpa.no.
- ↑ Anne Wichstrøm (1997). Kvinneliv, kunstnerliv. Gyldendal. ISBN 8252535208.
- ↑ 4,0 4,1 Tannæs, Marie i Hvem er Hvem, 1930.
- ↑ Wichstrøm, Anne; Aamold, Svein (19. april 2023). «Marie Tannæs». Norsk kunstnerleksikon (på norsk).
- ↑ «Marie Tannæs 70 aar». Morgenposten, 19. mars 1924.
- ↑ Sigurd Willoch (1934). «Italia i norsk nittiårskunst». Kunst og kultur. Universitetsforlaget.
- Denne artikkelen bygger på «Marie Tannæs» frå Wikipedia på bokmål, den 9. mars 2024.