Michael Jackson

Frå Wikipedia – det frie oppslagsverket
Michael Jackson

Fødd29. august 1958
FødestadGary
Død25. juni 2009
DødsstadLos Angeles
FødenamnMichael Joseph Jackson
OpphavUSA
Aktiv1967–2009
SjangerPop, rhythm and blues, rock, soul
InstrumentVokal og perkusjon m.m.
Stemmetypetenor
Tilknytte artistarThe Jackson 5
PlateselskapMotown, Epic, Sony
Verka somSongar, låtskrivar, plateprodusent, arrangør, dansar, koreograf, skodespelar, forfattar, forretningsmann og investor
MorKatherine Jackson
FarJoe Jackson
Gift medLisa Marie Presley, Debbie Rowe
BornPrince Michael Jackson I, Paris Katherine Jackson, Prince Michael Jackson II
PrisarGrammy Lifetime Achievement Award, Grammy Legend Award, International Artist Award of Excellence, Genesis Award, Grammy Award for Best Male R&B Vocal Performance, Grammy Award for Album of the Year, Grammy Award for Best Male Pop Vocal Performance, Grammy Award for årets innspilling, Grammy Award for Best Male Rock Vocal Performance, Grammy Award for Best Album for Children, Grammy Award for Producer of the Year, Non-Classical, Grammy Award for Best Music Film, Grammy Award for årets sang, Grammy Award for Best Music Video, Grammy Award for Best Music Video, Johnny Mercer Award, Grammy Award for Best R&B Song, Grammy Award for Best Male R&B Vocal Performance, offiser av Den nasjonale fortjenstorden, médaille de la Ville de Paris, stjerne på Hollywood Walk of Fame, American Choreography Awards, Rock and Roll Hall of Fame

Michael Joseph Jackson (29. august 195825. juni 2009)[1] var ein amerikansk artist, underhaldar og forretningsmann. Han var det sjuande barnet i Jackson-familien og debuterte som profesjonell musikar då han var elleve år, som medlem av The Jackson 5.

Biografi[endre | endre wikiteksten]

I 1971 byrja han solokarrieren sin medan han framleis var med i familiegruppa. Han har vorte referert til som «popkongen», og fem av soloalbuma hans er mellom dei mestseljande platene i verda: Off the Wall (1979), Thriller (1982), Bad (1987), Dangerous (1991) og HIStory (1995).

Tidleg på 1980-talet vart han ein dominerande figur i popmusikken og den fyrste afroamerikanske artisten som samla store tilhengjarskarar frå fleire sjangrar gjennom MTV. Populariteten til musikkvideoane han som vart sende på kanalen, slik som «Beat It», «Billie Jean» og «Thriller», var svært viktig for veksten til den då relativt nystarta kanalen. Det har seinare vorte hevda at Jackson var den som gjorde musikkvideoen om til ei kunstform og eit viktig middel i marknadsføring av musikk generelt. Videoar som «Black or White» og «Scream» gav han popularitet på MTV også vidare utover på 1990-talet. Gjennom sceneopptredenane og musikkvideoane sine, gjorde han fleire fysisk vanskelege danseteknikkar, som til dømes robot og moonwalk, svært populære. Den eigenarta musikk- og songstilen hans har også inspirert seinare hip-hop-, pop- og R&B-artistar.

Moonwalk[endre | endre wikiteksten]

Michael Jackson vart kjend for det spesielle dansetrinnet kalla «moonwalk» på 80-talet. Dansetrinnet gjer ein illusjon av at ein går framover medan ein eigentleg går bakover. Michael Jackson viste trinnet på ei motownsending der han framførte «Billie Jean» den 25. mars 1983.

Diskografi[endre | endre wikiteksten]

Dette er ei liste over studioalbuma til Michael Jackson, og dei respektive salstala deira på verdsbasis.

  • «Got To Be There» (1972)
  • «Ben» (1972)
  • «Music & Me» (1973)
  • «Forever, Michael» (1975)
  • «Off The Wall» (1979) –over 20 millionar selde
  • «Thriller» (1982) –mellom 65 og 110 millionar selde
  • «Bad» (1987) –over 30 millionar selde
  • «Dangerous» (1991) –over 32 millionar selde
  • «HIStory: Past, Present and Future, Book I» (1995) –over 20 millionar selde
  • «Invincible» (2001) –over 13 millionar selde

Kjelder[endre | endre wikiteksten]

  • Diskografien er henta frå Engelsk Wikipedia om Michael Jackson albums discography (certifications and sales), 5. april 2011.

Fotnotar[endre | endre wikiteksten]