Møbelprodusenten Brunstad

Brunstad er ein norsk møbelprodusent som har hovudkontor og fabrikk i Sykkylven i Møre og Romsdal. Verksemda vart etablert i 1941 av Hjalmar Brunstad. Brunstad produserer sofaer og stolar. På 2000-talet har ein merka seg særleg ut med stolkolleksjonane "Delta" og "Sting". "Delta" vart kåra til "folkets favorittstol" i interiørmagasinet Bonytt i 2000, og har sidan vorte utvikla i fleire former. "Sting" fekk utmerkinga "Merke for godt design" av Norsk designråd i 2008. Når det gjeld sofaproduksjonen, har ein dei seinare åra gjort meir nytte av modulsystem, der kjøparane sjølve kan avgjere modulsamansetjinga.

Historikk

Verksemda har hatt ulike firmanamn: Hj. Brunstad Trevarefabrikk (1941), Hj. Brunstad Møbefabrikk (1950), Hj. Brunstad Fabrikker AS (1970) og Brunstad AS (1985).

Fyrste tida heldt produksjonen til i enkle lokale i Velledalen (i Sykkylven) der Hjalmar Brunstad hadde vakse opp. Fyrste lokalet var kjellaren på gardshuset, dinest kjellaren på bedehuset og kjellaren i ungdomshuset. I 1947 flytte ein til nye produksjonslokale i Straumgjerdet. På denne tida hadde ein gått overgangen frå å produsere enkle spisestovestolar og vere underleverandør av treverk til å sjølv produsere stoppa møblar. Etter kvart vart lokala i Straumgjerdet for tronge, og i 1968 kunne ein ta i bruk ein ny og moderne fabrikk på Vik (i Sykkylven) der produksjonen framleis finn stad. Brunstad har i tillegg hatt møbelproduksjon på Stranda.

Varemerke

Brunstad ^[1] ^[2] - hovedlogo for alle produkter
Fantasy ^[3] - modulsofakonsept

Merkevarer

Delta - hvilestolkolleksjon
System pluss - modulsofakonsept

Utmerkingar

2008 - Merket for God Design frå Norsk Designråd for stolen Sting, kategori Møbeldesign.
2000 - Folkets favorittstol frå magasinet Bonytt for stolen Delta.
1985 - Merket for God Design frå Norsk Designråd for møbelserien Avenue, kategori Møbeldesign.

Referansar

Hole, Jon. 50 år i god form. Hj. Brunstad Fabrikker AS 1041–1991. Sykkylven.

Fotnotar

↑ Patentstyret |Brunstad^{[daud lenkje]}
↑ World Intellectual Property Organization Brunstad^{[daud lenkje]}
↑ Patentstyret |Fantasy Arkivert 2016-03-05 ved Wayback Machine.

Bakgrunnsstoff

www.brunstad.no - heimeside for firmaet

[1] Patentstyret |Brunstad^{[daud lenkje]}

[2] World Intellectual Property Organization Brunstad^{[daud lenkje]}

[3] Patentstyret |Fantasy Arkivert 2016-03-05 ved Wayback Machine.

[1]

[2]

[3]