Nashorn

Frå Wikipedia – det frie oppslagsverket
Gå til: navigering, søk
Nashorn


Spissnashorn-hann
Spissnashorn-hann

Systematikk
Rike: Animalia
Rekkje: Chordata
Orden: Perissodactyla
Familie: Rhinocerotidae
Artar
Vitskapleg namn
Rhinocerotidae

Nashorn (Rhinocerotidae) er upartåa hovdyr. Dei nolevande artane høyrer heime i Afrika og Asia. Dei nærmaste slektningane til nashornet er truleg hestar og tapirar.

Anatomi[endre | endre wikiteksten]

Nashorna er store, fryktinngytande dyr med sine store horn på nasen. Hovudet fyller opptil ein tredel av kroppslengda. Augene er små og synet dårleg. Øyrene er forholdsvis store, og høyrselen ganske god. Nasebora er spalteliknande og luktesansen god. Fortennene er utvikla (hos dei asiatiske) eller rudimentære (hos dei afrikanske), hos mange bryt dei ikkje fram. Underkjeven har hjørnetenner, men ikkje overkjeven. Horna, som både hannindivid og hoindivid har, er kjegleforma, og det som sit lengst framme sit på naseknoklane, det bak (hos dei artene som har det) sit på pannebeinet. Skinnet til dyret har ein «slapp» utsjånad med mange brettar i. Hornet er også laga av tett samansett hår.

Åtferd[endre | endre wikiteksten]

Nashorn kan vera skikkeleg aggressive, og dei kan plutseleg slå til mot eit passerande dyr eller menneske. Viss det er tørke, kan dei angripe dyr som har gått ned til ein dam for drikke. Samtidig kan dei plutseleg slå over frå ein sinnstilstand til ein annan. Likevel har nokre dyr faktisk vore haldne i fangenskap, og har vore ganske greie å ha med å gjere.

Artar[endre | endre wikiteksten]

Familien er sett saman av fem nolevande artar, fleire blir no rekna som trua på grunn av miljøøydeleggingar. Dessutan omfattar familien også fleire utdøydde artar, som ullhåra nashorn, som fanst i Europa, og Elasmotherium, som fanst i Sibir.

Der er oppretta nasjonalparkar bl.a. for å verne bestandane. Ein av dei ligg i Nepal.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Nashorn
Wikispecies
Wikispecies har taksonomisk informasjon om Rhinocerotidae


Kjelder[endre | endre wikiteksten]

Text document with red question mark.svg Denne artikkelen manglar kjelder eller referansar. Hjelp Wikipedia med å finna truverdige kjelder!