Ola Olsson Heimsæter

Ola Olsson Heimsæter
Fødd	1785
Død	1. juni 1836 (51 år)
Yrke	bonde, politikar

Ola Olsson Heimsæter (1785–1. juni 1836) var ein norsk gardbrukar og stortingsrepresentant frå Hyen i Gloppen.

Heimsæter voks opp på garden Røyrvik i det vestlege dalføret i Hyen. I yngre år var han militær underoffiser, og deltok i krigshandlingar. Seinare tok han over farsgarden og dreiv denne. Han tok initiativ til å få bygt veg frå Hope i Hyen til bygdene i dalføret Vestre Hyen. Vegen opna i 1860, over tjue år etter han døydde.

Heimsæter var 3. representant for Nordre Bergenhus amt på Stortinget 1824, og på ny i 1830. Han vart vald til ein tredje periode 1836-38, døydde i Kristiania under stortingsopphaldet, juni 1836. På alle tingsamlingane var han medlem av militærkomiteen.

Kjelde

• Lindstøl, Tallak:Stortinget og Statsraadet 1814-1914. Kristiania, 1914

Bakgrunnsstoff

• NRK Fylkesleksikon om Hjelmsæter
• Biografisk informasjon om Ola Olsson Heimsæter NSD Norsk senter for forskningsdatas politikararkiv