Ole Christian Andersen Nøstvig

Ole Christian Andersen Nøstvig
	Ole Christian Andersen Nøstvig
Fødd	10. juni 1782
Død	3. juni 1852 (69 år)
Statsborgar av	Noreg
Yrke	politikar, bonde
Alle verv	stortingsrepresentant (1830–1832); ordførar i Brønnøy; vararepresentant til Stortinget (1824–1826); vararepresentant til Stortinget (1827–1829); stortingsrepresentant (1833–1835); stortingsrepresentant (1836–1838); stortingsrepresentant (1842–1844); stortingsrepresentant (1845–1847); vararepresentant til Stortinget (1848–1850) ;

Ole Christian Andersen Nøstvig (10. juni 1782–3. juni 1852) var ein norsk gardbrukar og stortingsmann frå Velfjord i Nordland.

Far hans var gardbrukar i Velfjord. Sjølv tok han over farsgarden i 1804 og dreiv denne i lang tid. I 1838 vart han vald inn i det fyrste heradsstyret og var ordførar i fleire år. Også fleire år som forlikskommissær og valmann.

Nøstvig representerte Nordlands amt på Stortinget 1830-37 og 1842-45. Til Stortinget 1827 og 1828 var han 1. varamann, og møtte på omframstortinget 1828 frå 3. juni. Både i 1830, -33, -36, -42- og -45 var han medlem av kyrkjekomiteen, på omframstortinget 1836-37 av kyrkjekomite nr 2. Elles var han 1830 og -33 medlem av matrikkelkomiteen, 1833 av komiteen om tiend i Finmarken, 1836, 1836-37 og 1845 av valkomiteen samt medlem av Lagtinget 1836, 1836-37, 1842 og 1845. I 1836 var han medlem av riksretten mot Severin Løvenskiold.

Han døydde på garden sin Velfjord i 1852 «af langvarig Sygdom».

Kjelder

Lindstøl, Tallak: Stortinget og Statsraadet 1814-1914. Kristiania, 1914