Orre
58°43′43.3″N 5°31′43.9″E / 58.728694°N 5.528861°E
Orre er ei bygd i Klepp kommune i Rogaland fylke. I det grøderike og flate området, med mange gardar, vert det drive stort innan landbruk. Mellom anna finst det fleire gartneri og drivhus. Det vert drive med ymse grønsakdyrking.
Geografi[endre | endre wikiteksten]
Staden er kjend for Orrestranda, som saman med Borestranda utgjer den lengste sandstranda i Noreg. Folkesetnaden i krinsen var i 2004 1283, og som resten av kommunen har bygda ein ung folkesetnad.
Orrevatnet på 8,04 km² utgjer nedre delen av Orrevassdraget og er den største innsjøen på Jæren.
Kultur[endre | endre wikiteksten]
På staden ligg Orre gamle kyrkje, ei mellomalderkyrkje frå 1200-talet og Orre kyrkje frå 1950.
Forfattaren Alexander Kielland heldt ofte til i området medan han vitja Jæren, og kan ha brukt det som inspirasjon for nokre av jærskildringane sine.
I nyare tid er Orre blitt kjend lokalt for Friluftshuset, eit bygg tilpassa det flate landskapet som fortel om miljøet i området. Huset har opent kvar søndag og viser ei permanent utstilling knytt til Jærstrendene landskapsvernområde. Her er også andre framstillingar og sommarkonsertar.
Orremesså blir halde på Orre kvart år.
Bakgrunnsstoff[endre | endre wikiteksten]
- Klepp kommune om naturvern i kommunen
- Friluftshuset ved Orrestranda Arkivert 2008-04-14 ved Wayback Machine. ved Jæren friluftsråd
- Orre gartneri Arkivert 2005-10-27 ved Wayback Machine.
- Orremesså