Pål Jacobsen

Frå Wikipedia – det frie oppslagsverket
Hopp til navigering Hopp til søk
Pål Jacobsen
Statsborgarskap Noreg
Fødd 20. mai 1956
Molde
Idrett fotball
Yrke fotballspelar

Pål Jacobsen (fødd 20. mai 1956) er ein norsk tidlegare fotballspelar frå Hamar, som spelte 42 landskampar og skåra 13 mål for Noreg. Han spelte på Hamarkameratene til 1980, Vålerenga 1981-84 og på ny for Hamkam 1985-86. Midtbanespelaren Tom Jacobsen er ein eldre bror.

Klubbspel[endre | endre wikiteksten]

Midtspiss Jacobsen debuterte på Hamarkameratene våren 1973, knapt 17 år gammal. Etter at han hadde vore med på det tredje opprykket til 1. divisjon Hamarkameratene i 1980, melde han overgang til osloklubben Vålerenga. I sin fyrste sesong på Vålerenga vart han seriemeister og med 16 mål toppskårar i serien. Også i 1983 og 1984 vann Jacobsen seriegull med Vålerenga. Totalt skåra han 82 mål i 1. divisjon. Frå 1985 var han atter Hamkam-spelar, men ein alvorleg akillesskade førte til at han la opp i 1986.

Landslagsspel[endre | endre wikiteksten]

Jacobsen fekk sin landslagsdebut i ein bortekamp mot Finland våren 1975, eit oppgjer som enda med norsk siger 5-3. Sitt fyrste av 13 landslagsmål putta han då Noreg vann 3-2 over Sverige i ein VM-kvalifiseringskamp 22. september 1976. Hans største stund på landslaget kom 21. august 1980, på Ullevaal stadion i Oslo skåra han dei to fyrste og to siste måla då Noreg vann 6-1 over Finland. Etter 1948 er det einast Pål Jacobsen og Harald Hennum som har skåra fire mål for Noreg i ein og same landskamp, Hennum gjorde det då Noreg sigra 6-5 over Aust-Tyskland i 1958.

Merittar[endre | endre wikiteksten]

  • Seriemeister: 1981, 1983 og 1984 med Vålerenga
  • Tapande cupfinalist: 1983 med Vålerenga

Kjelder[endre | endre wikiteksten]