Peparslekta

Peparslekta
Systematikk
Rike:	Planteriket Plantae
Infrarike:	Streptophyta
Overrekkje:	Landplantar Embryophytes
Rekkje:	Karplantar Tracheophytes
Underrekkje:	Frøplantar Spermatophytes
Orden:	Piperales
Familie:	Peparfamilien Piperaceae
Slekt:	Peparslekta Piper L., 1753

Peparslekta (Piper) er ei planteslekt i peparfamilien som omfatter 1000-2000 artar som veks som urter, buskar eller klatrande vedplanter. Dei veks hovudsakleg i tropane, mange i underskogen i lågtliggande tropisk regnskog. Blomane er som oftast einkjønna, utan blomedekke, og sit i tette aks. Dei dannar ei bærliknande steinfrukt.

Piper longum

Mange artar i slekta er viktige krydderplantar ettersom alle plantedelane inneheld skarpe stoff som brenn på tunga (harpiksar og eteriske oljer). Svart pepar (Piper nigrum) og kubebapepar (P. cubeba) er klatreplantar som gjev peparkrydder - krydderet frå førstnemnde er den vanlegaste pepartypen. Av P. longum og P. officinarum blir heile fruktstanden tørka og seld som langpepar. Fleire artar blir brukte som medisin, avslappande eller stimulerande middel. Betelpepar (P. betle) blir til dømes brukt til framstilling av betel og kava-kava ( Piper methysticum) til drikken kava.

Kjelder

• «Pepper: planteslekt» (14. februar 2009), Store norske leksikon. Fri artikkel henta 13. oktober 2014.

Bakgrunnsstoff

Commons har multimedium som gjeld: Peparslekta