Preservation Inlet

Frå Wikipedia – det frie oppslagsverket
Hopp til navigering Hopp til søk

Preservation Inlet er den sørlegaste fjorden i Fiordland National Park, og ligg ved det sørvestlege hjørnet til SørøyaNew Zealand, i regionen Southland.

Geografi[endre | endre wikiteksten]

Preservation Inlet er ein lang og trong fjord som strekkjer seg i nordaustleg retning mellom Gulches Head i nord og Puysegur Point i sør. Coal Island ligg ved innløpet. Den inste armen vert kalla Long Sound, som er utløpet til elva Long Burn[1].

Ein større del av det indre Preservation Inlet er eit verna område innanfor Te Tapuwae o Hua (Long Sound) Marine Reserve.

Historie[endre | endre wikiteksten]

Staden var kjend av tidlege sel-s og kvalfangarar, og fekk namnet sitt av kaptein Eber Bunker i 1809. Den første landbaserte kvalfangststasjonen på New Zealand vart etablert her i 1828[2] eller 1829, og dreiv fangst av sørkaper (engelsk Southern Right Whale) ((Eubalaena australis) i dette området[1]. I 1900 vart ein busetnad med namnet Cromarty etablert i Kisbee Bay. Det var meininga å dra nytta av både gullfunn i 1890-åra og fiske, men dette vara ikkje så lenge, og i dag er det få leivningar att av busetnaden.[1][3].

Økologi[endre | endre wikiteksten]

Etter ein massiv fangst gjennom mange år, er sørkaperkval/sørleg rettkval (rettkvalfamilien) endeleg starta å koma attende til staden[4][5][6]. Der er uverifiserte observasjonar av hektordelfinar i området[7].

Tilkomst[endre | endre wikiteksten]

Der er ingen vegar langs kysten på denne staden. Men ei turrute hit går frå Tuatapere. Der er også åtkome til fjorden sjøvegen og med fly. [1]

Koordinatar: 46°08′S 166°34′E

Referansar[endre | endre wikiteksten]

  1. 1,0 1,1 1,2 Wises New Zealand Guide, 7th Edition, 1979. ss. 355-56
  2. New Zealand Encyclopaedia 1966: Shore-based whaling
  3. Wises New Zealand Guide, 7th Edition, 1979. s. 77
  4. http://www.realjourneys.co.nz/content/library/Wilderness_Magazine__Preservation_Inlet_Discovery_Cruise.pdf
  5. http://www.scoop.co.nz/stories/AK0905/S00270.htm
  6. http://www.doc.govt.nz/upload/documents/conservation/marine-and-coastal/fiordlandcoastalnewsletter-oct07.pdf
  7. «Hector’s Dolphin Threat Management Discussion Document» (PDF). Department of Concervation, Ministry of Fisheries. 2007. s. 93. Henta 29. februar 2012.