Ragnar Frisch

Ragnar Frisch
	Ragnar Frisch
	;
Fødd	Ragnar Anton Kittil Frisch; 3. mars 1895; Christiania
Død	31. januar 1973; Oslo
Nasjonalitet	Noreg
Område	økonometri
Yrke	samfunnsøkonom, økonometriker, universitetslærar
Institusjonar	Universitetet i Oslo
Alma mater	Universitetet i Oslo
Ektefelle	Marie Smedal, Astrid Johannessen
Medlem	Kungliga Vetenskapsakademien; American Academy of Arts and Sciences; Accademia Nazionale dei Lincei; Institute of Mathematical Statistics; Econometric Society

Ragnar Anton Kittil Frisch (3. mars 1895–31. januar 1973) var ein nyskapande norsk økonom.

Frisch vart fødd i Oslo, og kom frå ei gamal slekt av gull- og sølvsmedar, og såg ingen grunn til å bryta familietradisjonen. Han gjekk i lære i gullsmedforretninga David Andersen, men i samråd med mora tok han også opp eit studium i økonomi ved Universitetet i Oslo (fordi dette faget var det kortaste og lettaste, i følgje Frisch). Studiet gav meirsmak.

Etter eksamen i 1919 drog Frisch ut i Europa og USA for å verkeleg læra seg økonomi og matematikk. Han tok doktorgrada i matematisk statistikk i 1925, vart universitetslektor, dosent og til slutt professor ved Universitetet i Oslo. Finansiert av Rockefeller grunnla han Institutt for Økonomi i 1932 og blei den første forskingsdirektøren der.

Frisch fekk fleire æresdoktorat og prisar. Dei to største var den italienske Antonio Feltrinelli-prisen og Nobelprisen i økonomi, som han fekk i 1961 og 1969. Han bidrog med mange nye tankar og termar innan økonomifaget, mellom anna ordet økonometri (av fransk économétrie) som han brukte første gong i artikkelen «Sur un problème d’économie pure» (1926). Frisch var sein av grunnleggjarane av Economic Society og redaktør av Econometrica i meir enn 22 år.

Ragnar Frisch gifta seg to gonger, med Marie Smedal i 1920 og Astrid Johannesen i 1953. Han var morfaren til Nadia Hasnaoui.

Kjelder

Sjølvbiografisk artikkel for Nobelprisinstituttet Arkivert 2006-02-15 ved Wayback Machine.

Bakgrunnsstoff

Ragnar Frisch hjå Nobelstiftelsen (på engelsk)

Ragnar Anton Kittil Frisch, informasjon om Nobelprisvinnarar ved nobel-winners.com (på engelsk)