Rolf Stranger

Rolf Stranger
	Rolf Stranger
	;
Fødd	15. januar 1891; Christiania, Oslo kommune
Død	18. juni 1990 (99 år)
Statsborgar av	Noreg
Parti	Høgre, Frisindede Venstre
Yrke	politikar, jurist, forretningsdrivande, disponent
Utdanna ved	Universitetet i Oslo
Barn	Adèle Lerche
Alle verv	stortingsrepresentant (1945–1950); ordførar i Oslo (1940–1941); ordførar i Oslo (1945–1945); ordførar i Oslo (1956–1959); ordførar i Oslo (1962–1963); vararepresentant til Stortinget (1931–1933); vararepresentant til Stortinget (1934–1936); vararepresentant til Stortinget (1937–1945); stortingsrepresentant (1950–1954) ;

Rolf Hanssen Stranger (15. januar 1891–18. juni 1990) var ein norsk forretningsmann og Høgre-politikar frå Oslo. Han var ordførar i Oslo i til saman åtte år og sat like lenge på Stortinget.

Stranger var son til grosserar Amund Hanssen i hovudstaden. Han tok artium ved St. Hanshaugen skole og vart cand.jur. frå Universitet i Oslo. I 1914 fekk han stilling i familiefirmaet Hanssen & Bergh A/ S, eit firma han dreiv frå 1917 til 1953.

Stranger var medlem av Oslo bystyre frå 1926 til 1967. Han var ordførar i fire bolkar; fyrst 1940-41 til han vart avsett av okkupasjonsmakta, i 1945 etter krigen var over, deretter i fireårsperioden 1956-59 og dei to åra 1962-63. Under 2. verdskrigen sat han fengsla på Bredtveit i Oslo i tida november 1943 til mai 1944.

Hausten 1945 vart Stranger vald til stortingsrepresentant frå Oslo og attvald 1949. På Stortinget var han nestformann i Finans- og tollkomiteen til 28. juni 1952, sidan var han medlem i Kommunalkomiteen.

Kjelder

«Rolf Stranger». Stortinget.no.