Serengeti

Frå Wikipedia – det frie oppslagsverket
Landskap i Serengeti.
Serengeti-parken i Tanzania.

Serengeti (frå masaispråk Serengit, 'endelause sletter'[1]) er eit økosystem i Afrika. Det ligg nord i Tanzania og strekkjer seg til sørvestre Kenya mellom 1 og 3 sørleg breiddegrad og 34 og 36 austleg breiddegrad. Området dekkjer rundt 30 000 km² og omfattar verdsarvområdet Serengeti nasjonalpark og fleire jaktreservat. Naturreservatet Masai Mara grensar til Serengeti nasjonalpark i vest.

Serengeti omfattar fleire ulike habitat, som elve- og våtmarksområde, skogar og grassletter. Området huser rundt 70 større pattedyr og rundt 500 fugleartar. Den største trekket av landlevande pattedyr i verda føregår her.[2] Flokkar som kan omfatta over éin million gnuar, fleire tusen sebraer og gasellar i tillegg til rovpattedyr som løver, hyenar og sjakalar som følgjer dei gjer dette til ei spektakulær hending.

Kjelder[endre | endre wikiteksten]

  1. Briggs, Phillip (2006), Northern Tanzania: The Bradt Safari Guide with Kilimanjaro and Zanzibar, Bradt Travel Guides, s. 198, ISBN 978-1-84162-146-3 ; Maa (Maasai) Dictionary, Darkwing.uoregon.edu, henta 23. oktober 2010 
  2. Partridge, Frank (20. mai 2006), «The fast show», The Independent (London), henta 14. mars 2007 

Bakgrunnsstoff[endre | endre wikiteksten]

Commons har multimedium som gjeld: Serengeti

Koordinatar: 2°19′51″S 34°50′0″E