Srbuk
| Srbuk | |||
 | |||
| Fødd | 3. april 1994 (30 år) | ||
|---|---|---|---|
| Fødestad | Jerevan | ||
| Fødenamn | Սրբուհի Սարգսյան | ||
| Opphav | Armenia | ||
| Aktiv | 2010– | ||
| Sjanger | pop, soul, jazz | ||
| Instrument | kanun, vokal | ||
| Verka som | songar | ||
Srbuhi Sargsjan (fødd 3. april 1994), kjend under artistnamnet Srbuk, er ein armensk songar. Sargsjan vart først kjend i Armenia då ho deltok i den fyrste sesongen av den armenske versjonen av The X Factor, der ho enda på andreplass. I 2018 deltok ho i den åttande sesongen av ukrainske The Voice, og enda på fjerdeplass. Srbuk representerte Armenia i Eurovision Song Contest 2019 i Tel Aviv i Israel med låten «Walking Out».[1]
Bakgrunn[endre | endre wikiteksten]
Sargsjan vart fødd 3. april 1994 i Jerevan, hovudstaden i Armenia. Ho studerte ved Komitas statlege musikkonservatorium i Jerevan, der ho lærte seg å spela strengeinstrumentetet kanun.[2][3]
I 2010 prøvesong Srbuk til den fyrste sesongen av armenske The X Factor. Ho song «Soon We'll Be Found» av artisten Sia og vart med på laget til musikaren Garik Papojan. Til slutt enda Srbuk på andreplass i tevlinga.[2] I 2012 skipa Srbuk bandet Allusion, og i 2014 song ho på singelen til Papojan «Boat» – eitt av spora til den russiske filmen Лёгок на помине.[2][3]
I 2016 gav Srbuk ut debutsingelen sin «Jete karogh es».[4] I 2018 deltok ho i den åttande sesongen av Holos krajiny, der ho hadde den ukrainske songaren Potap som mentor, og enda på fjerdeplass.[2] I november 2018 vart det offentleggjort at Srbuk skulle representere Armenia i Eurovision Song Contest 2019 i Tel Aviv i Israel. Like etter offentleggjeringa, opna Armenias offentlege TV-selskap opp for at låtskrivarar kunne sende inn sine bidrag til Srbuk.[5][6] Bidraget vart «Walking Out» som Srbuk framførte i semifinale 2. Srbuk og «Walking Out» kom ikkje blant dei ti beste i semifinalen og gjekk dimed ikkje vidare til finalen.
Diskografi[endre | endre wikiteksten]
Singlar[endre | endre wikiteksten]
Som hovudvokalist[endre | endre wikiteksten]
| Tittel | År | Album |
|---|---|---|
| «Jete karogh es»[4] | 2016 | Ikkje frå album |
| «Half a Goddess»[7] | 2018 | |
| «Walking Out» | 2019 |
Som med-artist[endre | endre wikiteksten]
| Tittel | År | Album |
|---|---|---|
| «Boat» (Garik Papojan med Srbuk)[8] |
2014 | Ikkje frå album |
| «Let Me Down» (Hambik Ashot med Srbuk)[9] |
2018 |
Referansar[endre | endre wikiteksten]
- ↑ «Armenia's Srbuk will be 'Walking Out' at Eurovision 2019». EBU. 10. mars 2019. Henta 13. april 2019.
- ↑ 2,0 2,1 2,2 2,3 «Սրբուհի Սարգսյանն ամռանը կմեկնի արտերկիր համերգային շրջագայության». Armenpress. Henta 30. november 2018.
- ↑ 3,0 3,1 «Սրբուհի Սարգսյան. "Հեշտ կյանքով չեմ ապրել "». Bravo.am. 26. mars 2015. Henta 30. november 2018.
- ↑ 4,0 4,1 «Yete Karogh Es - Single by Srbuk». iTunes. Henta 30. november 2018.
- ↑ Walker, Evan (30. november 2018). «Armenia: Srbuk to Eurovision 2019». Eurovoix.
- ↑ «Srbuk to represent Armenia at Eurovision 2019».
- ↑ «Half a Goddess - Single by Srbuk». iTunes. Henta 7. januar 2019.
- ↑ «Boat (feat. Srbuk) - Single by Garik Papoyan». iTunes. Henta 30. november 2018.
- ↑ «Let Me Down (feat. Srbuk) - Single by Hambik Ashot». iTunes. Henta 30. november 2018.
- Denne artikkelen bygger på «Srbuk» frå Wikipedia på bokmål, den 22. november 2021.