Stoke-on-Trent
| Stoke-on-Trent | |||
| by | |||
 Sentrum i Stoke-on-Trent | |||
| Motto: Vis Unita Fortior – «Sameint styrke er sterkare» | |||
| Kallenamn: «Stoke», «The Potteries», «the city of five towns» | |||
| Land |  England | ||
|---|---|---|---|
| Region | Staffordshire | ||
| Areal | 92 740 000 km² | ||
| Folketal | 249 008 (2011)[1] | ||
| Grunnlagd | 1910 | ||
| Postnummer | ST | ||
| Retningsnummer | 01782 | ||
 Stoke-on-Trent 53°00′00″N 2°11′00″W / 53°N 2.1833333333333°W | |||
| Wikimedia Commons: Stoke-on-Trent | |||
Stoke-on-Trent er ein by ved elva Trent i midt-England, nærare avgjort i grevskapet Staffordshire. I 2022 hadde han eit estimert folketal på 259 965.[2][3] Byen er ein samansmelting av dei seks byane Stoke-upon-Trent, Hanley, Burslem, Longton, Tunstall og Fenton. Samanslåinga skjedde i 1910, og den nye eininga fekk status som city i 1925. Den 1. april 1998 vart han ei sameint styresmakt. Stoke er omgjeven av byane Newcastle-under-Lyme, Alsager, Kidsgrove og Biddulph, som saman utgjer ein konurbasjon.
Sidan 1600-talet har området vore kjent for industrielt pottemakeri og porselensproduksjon. Blant kjende produsentar i byen er Royal Doulton, Wedgwood, Spode og Minton. Det var i Stoke-on-Trent, som i mange andre britiske byar, ei krise industrien mot slutten av 1900-talet, men situasjonen er stabilisert, og nivået på arbeidsløyse ligg omtrent på gjennomsnittet i regionen.
Dei seks byane har halde nokre særpreg. Til dømes er Burslem og Fenton utdanningssentrum, medan Hanley er eit handelssentrum.
Det blir tala ein distinkt dialekt i området, som i seinare år i stadig større grad blir avgrensa til eldre innbyggjarar.
To profesjonelle fotballklubbar held til i byen, Stoke City og Port Vale. Stoke City kjem frå Stoke-upon-Trent medan Port Vale kjem frå Burslem. Det er ei særs sterk rivalisering mellom dei to klubbane.
Kjelder
[endre | endre wikiteksten]- ↑ https://www.britannica.com/place/Stoke-on-Trent.
- ↑ «Stoke-on-Trent Population Change». ons.gov.uk. Henta 21. november 2023.
- ↑ «Estimates of the population for the UK, England and Wales, Scotland and Northern Ireland». Office for National Statistics. Henta 24. januar 2021.
- Denne artikkelen bygger på «Stoke-on-Trent» frå Wikipedia på bokmål, den 9. juli 2011.
