Tårepunkt

Nærbilde av eit tårepunkt.

Tårepunkta (av latin punctum lacrimalis, pl. puncta lacrimalia) er små munningar øvst på tårepapillen i augeloka, der tårekanaliklane tek til. Dei ligg i den mediale (indre) augevinkelen, ved det laterale ytterpunktet av tåresjøen. Det finst to tårepunkt i kvar av dei indre augeviklane.

Dei verkar ved å samle tårer frå tårekjertlane. Væska blir ført gjennom tårekanaliklane til tåresekken, og derfrå gjennom tårekanalen til nasa. Personar med tørre augo kan få sett inn tårepunktspluggar som dekkjer over tårekanaliklane for å minske væskedrenasje og styrke tårefilmen.

Galleri

• 
  Indre overflate av augeloket med synlege meibomske kjertlar. Tårepunkta er merka til venstre.
• 
  Tåreapparatet i høgre auga. Tårepunkta er merka til høgre i den mediale (indre) augevinkelen.

Sjå òg

• atresi av tårepunkt (mikropunktum)
• tårepunktsplugg
• tåreapparat

Kjelder

• Denne artikkelen bygger på «Lacrimal punctum» frå Wikipedia på engelsk, den 19. mars 2016.

• Denne artikkelen har bygd inn tekst frå ei offentleg utgåve av Gray's Anatomy.