The Dream av Roko Blažević
| «The Dream» Song av Roko Blažević | ||
| Land | Kroatia | |
| Språk | Engelsk, kroatisk | |
| Utgjeve | 17. februar 2019 | |
| Sjanger | Pop, ballade | |
| Lengd | 03:00 | |
| Selskap | Croatia Records | |
| Låtskrivar(ar) | Jacques Houdek, Andrea Čubrić og Charlie Mason | |
|---|---|---|
| Produsent | Filip Gjud og Ivan Škunca | |
«The Dream» (norsk 'draumen') er ein popballade frå 2019 som vert framført av den kroatiske songaren Roko Blažević. Songen var det kroatiske bidraget til Eurovision Song Contest 2019 i Tel Aviv i Israel.
Bakgrunn
[endre | endre wikiteksten]«The Dream» er skriven av Andrea Čubrić, Charlie Mason og av Jacques Houdek. Sistnemnde deltok for Kroatia i Eurovision Song Contest 2017 i Ukraina. Houdek sende inn songen til musikktevlinga til kringkastaren HRT Dora 2019 – den kroatiske uttakinga til Eurovision Song Contest. 17. januar 2019 vart «The Dream» og Roko Blažević stadfesta som eit av dei 16 bidraga i Dora.[1] Tevlinga gjekk av stabelen 16. februar 2019, og «The Dream» vann etter å ha vorte nummer éin hos både tv-sjåarane og juryane.[2] Med sigeren vart «The Dream» det kroatiske bidraget i Eurovision Song Contest 2019 i Tel Aviv i Israel.[3]
Etter sigeren gjekk «The Dream» rett inn på fyrsteplass på den kroatiske singellista HR Top 40.[4] Dette var den fyrste plasseringa til Blažević på lista. Ein musikkvideo til songen vart sloppen 11. april 2019 via YouTube-kanalen til Eurovision Song Contest.[5]
Eurovision Song Contest
[endre | endre wikiteksten]I januar 2019 vart Kroatia trekt ut til å delta i den andre semifinalen av Eurovision Song Contest. Semifinalen vart arrangert i Expo Tel Aviv i Israel torsdag 16. mai, og Kroatia hadde startnummer 10.[6] «The Dream» enda på ein 14. plass i semifinalen og var dimed ikkje kvalifisert til finalen laurdag 18. mai.[7]
Listeplasseringar
[endre | endre wikiteksten]| Liste (2019) | Høgaste
plassering |
|---|---|
 Kroatia (HR Top 40)
|
1[4] |
Kjelder
[endre | endre wikiteksten]- ↑ Farren, Neil (17. januar 2019). «Croatia: Dora 2019 Participants Revealed». Eurovoix. Henta 16. februar 2019.
- ↑ «Croatia goes for Roko with 'The Dream' in 2019». 16. februar 2019. Henta 7. mai 2019.
- ↑ Groot, Evert (16. februar 2019). «Croatia goes for Roko with 'The Dream' in 2019». eurovision.tv. Henta 18. februar 2019.
- ↑ 4,0 4,1 «HRtop40 09. tjedan 2019. (18.02.2019. – 24.02.2019.)». Hrvatski Glazbeni Institut (Croatian Music Institute) (på kroatisk). 4. mars 2019. Henta 4. mars 2019.
- ↑ Farren, Neil (11. april 2019). «Croatia: Roko Releases Video for "The Dream"». Eurovoix. Henta 11. april 2019.
- ↑ «Second Semi-Final of Tel Aviv 2019». EBU. Henta 5. mai 2019.
- ↑ «Second Semi-Final: Last 10 acts qualify for Eurovision 2019 Grand Final». 16. mai 2019. Henta 17. mai 2019.
- Denne artikkelen bygger på «The Dream (Roko Blažević-sang)» frå Wikipedia på bokmål, den 26. desember 2021.