Eurovision Song Contest 2017 (ESC 2017), offisielt 62. Eurovision Song Contest, var den 62. gongen Eurovision Song Contest vert arrangert. Tevlinga vart halden i International Exhibition Centre i Kiev, Ukraina, som vann tevlinga i 2016, med semifinalar 9. og 11. mai og finale 13. mai.[1]
Programleiarar for Eurovision Song Contest 2017 var Oleksandr Skitsjko, Volodymyr Ostaptsjuk og Timur Mirosjnytsjenko.[2] Dette var fyrste gongen at programleiartrioen berre er sett saman av menn, og andre gong sidan den fyrste tevlinga i 1956 at det ikkje er ein kvinneleg programleiar. Timur Mirosjnytsjenko har tidlegare vore programleiar for Junior Eurovision Song Contest i 2009 og 2013.
12. mars 2017 kunngjorde den russiske kringkasteren Pervyj kanal at songaren Julija Samojlova ville representere Russland i Eurovision Song Contest 2017 med sangen «Flame Is Burning». Samojlova var blant finalistane i russiske X-Factor i 2013, og sit i rullestol grunna den arvelige, nevrologiske sykdommen spinal muskelatrofi. Kort tid etter kunngjeringa, ila den ukrainske tryggleikstenesta SBU Samojlova eit innreiseforbud til Ukraina på tre år. Grunngjevinga til innreiseforbodet, var at Samojlova hadde halden ein konsert på Krim i 2015, og SBU meinte at Samojlova hadde tatt seg ulovleg inn på ukrainsk territorium. Den 13. april 2017, vart det klart at Russland ikkje ville kringkaste sendinga frå Kiev, noko som er brot på reglane. På grunn av dette fekk ikkje landet lov til å deltake.
Atten land deltok i den andre semifinalen 11. mai. Sveits fekk tildelt plass i denne semifinalen etter ynskje frå den sveitsiske kringkastaren. Frankrike, Tyskland og Ukraina måtte kringkaste og røyste i denne semifinalen.[4][6] Russland var opphavleg trekt til å delta i den andre semifinalen, der dei skulle opptre med startnummer tre. 13. april 2017 stadfesta den russiske kringkastaren at dei ikkje ville sende tevlinga på fjernsyn, og fekk dimed ikkje deltake. Russland ville ikkje sende tevlinga av di artisten Julija Samojlova fekk inneriseforbud av den ukrainske tryggleikstenesta SBU grunna brot på innreiselova til Krim i 2015.
.svg){kind=small}
