Theodor Andrei
| Theodor Andrei | |||
.jpg) | |||
| Fødd | 9. oktober 2004 (22 år) | ||
|---|---|---|---|
| Fødestad | București | ||
| Fødenamn | Theodor-Octavian Andrei | ||
| Opphav | Romania | ||
| Aktiv | 2015– | ||
| Verka som | songar | ||
Theodor-Octavian Andrei (fødd 9. oktober 2004), kjend under artistnamnet Theodor Andrei, er ein rumensk songar. I februar 2023 vann han den rumenske songtevlinga Selecția Națională og representerte Romania i Eurovision Song Contest 2023 med songen «D.G.T. (Off and On)».
Bakgrunn
[endre | endre wikiteksten]Andrei blei fødd vaks opp i den rumenske hovudstaden București i Romania. Som 13-åring i 2017 vart han kjend då han deltok i Vocea Romaniei Junior, den rumenske utgåva av The Voice Kids. Han nådde semifinalen i den tv-sende tevlinga.[1][2]
I 2020 deltok Andrei i rumenske X Factor, der han blei slegen ut før direktesendingene. Han har gjeve ut ei rekkje singlar sidan 2017 og slapp debutalbumet Fragil i 2022.[1]
Året etter var Andrei blant deltakarane i Selecția Națională, den rumenske uttakinga til Eurovision Song Contest. I finalen laurdag 11. februar 2023 vann han tevlinga med låten «D.G.T. (Off and On)». Som følgje av sigeren fekk han representere Romania i Eurovision Song Contest 2023 i Liverpool.[3][4][5] I semifinalen enda han på delt sisteplass med null poeng.
Kjelder
[endre | endre wikiteksten]- 1 2 «TheodorAndrei a câștigat Selecția Națională Eurovision România 2023. Publicul a decis!». click.ro (på rumensk). Henta 2023-02-12.
- ↑ «VIDEOCine este Theodor Andrei, tânărul de 18 ani care va reprezenta România la Eurovision 2023 cu piesa „D.G.T. (Off and on)"». life.hotnews.ro (på rumensk). Henta 2023-02-12.
- ↑ Grace, Emily (2023-02-11). «Romania: Theodor Andrei to Eurovision 2023». Eurovoix (på britisk engelsk). Henta 2023-02-12.
- ↑ «TheodorAndrei». eurovision.tv (på engelsk). Henta 2023-02-12.
- ↑ Tudor, Ruxandra (2023-02-11). «Romania: Theodor Andrei to Eurovision with "D. G. T. (Off and on)"». wiwibloggs (på amerikansk engelsk). Henta 2023-02-12.
- Denne artikkelen bygger på «Theodor Andrei» frå Wikipedia på bokmål, den 7. desember 2023.