Thorbjørn Lie-Jørgensen
| Thorbjørn Lie-Jørgensen | |
 | |
| Statsborgarskap | Noreg |
| Fødd | 20. november 1900 |
| Død | |
| Yrke | kunstmålar, grafikar |
Thorbjørn Henry Lie-Jørgensen (20. november 1900–7. april 1961) var ein norsk målar og brukskunstnar (gullsmed).
Liv og gjerning[endre | endre wikiteksten]
Lie-Jørgensen var fødd i Svelvik i Vestfold, der far hans var seglmakar. Lie-Jørgensen vart utdanna ved Statens kunstakademi og Statens handverks- og kunstindustriskule. Frå 1939 var han lærer på den sistnemnde institusjonen.
Som nyutdanna gullsmed arbeidde Lie-Jørgensen for firmaet David-Andersen i Oslo i fleire tiår. Han laga altarsølv til kyrkjer både i Heddal, og kyrkjene Ris og Røa. Då Oslo kommune utlyste tevling til sølvutstyr i Oslo rådhus vann Lie-Jørgensen.
Biletkunstnaren Lie-Jørgensen måla fargesterke landskapsbilete, ofte med motiv frå Sørlandet. Måleria hans fekk mest merksemd på 1940-talet. Han laga også mange akvarellar.
Lie-Jørgensen døydde i Oslo.
Verk (måleri)[endre | endre wikiteksten]
- Vår (1942)
- Sjøbuer og båter (1946)
- Fjelldalsøya (1947)
- Havet (1950)
- Andersenholmen (1959)
Kjelder[endre | endre wikiteksten]
- Arne Durban (1948). «Lie-Jørgensen, Thorbjørn Henry». I Arnulv Sudman m. fl. Norsk allkunnebok 8. Fonna Forlag. s. 111.
- «Jon Gunnar Arntzen: «Thorbjørn Lie-Jørgensen» i Norsk biografisk leksikon».