Tianna Bartoletta

Frå Wikipedia – det frie oppslagsverket
Hopp til navigering Hopp til søk
Tianna Bartoletta
Tianna Bartoletta Rio 2016.jpg
Fødd 30. august 1985
Elyria
Yrke sprinter, friidrettsutøvar, lengdehopper, bobkjører
Tianna Bartoletta på Commons
Tianna Bartoletta i 2014

Tianna Bartoletta, fødd Tianna Madison (fødd 10. august 1985), er ein USA-amerikansk friidrettsutøvar frå Elyria i delstaten Ohio som tevlar i lengdehopp og sprintløp. Ho vart verdsmeister i lengdehopp i 2005 i Helsinki, ei bragd ho gjentok ti år seinare i Beijing. Ved dei olympiske leikane i London i 2012 sprang ho startetappen på USA sitt lag i 4 x 100 m stafett som vann OL-gull og sette ny verdsrekord med 40,82 sekundar.

Aktiv[endre | endre wikiteksten]

Madison slo gjennom ved VM i friidrett 2005 i Helsinki der ho vann gullmedaljen med ny personleg rekord på 6,89 meter. Også i kvalifiseringa forbetra ho den personlege rekorden, då til 6,83 meter. Ved VM i friidrett 2007 i Osaka greide ho einast 6,47 n i finalen og enda på tiandeplassen. Året etter vart ho nummer fem i lengdehopp i uttaksstemnet til Sommar-OL 2008 og fekk ikkje OL-plass.

I 2012 forbetra Madison dei personlege rekordane på både 100 meter og 200 meter. I mai sprang ho 200 meter på 22,37 i Ponce, deretter sprang ho 100 meter på 10,97 i New York, hennar fyrste løp under 11 sekundar. I slutten av juni forbetra ho 100-meterrekorden sin til 10,96 då ho kom på andreplass ved USA sitt uttak til Sommar-OL 2012, einast Carmelita Jeter på 10,92 var betre. Under leikane i London vart ho nummer fire på 100-metere på tida 10,85 sekundar, fire hundredels sekund bakom bronsevinnaren. Seks dagar seinare vart ho olympisk meister på 4 x 100 m stafett saman med Allyson Felix, Bianca Knight og Carmelita Jeter. Tida 40,82 sekundar var ei forbetring av den 27 år gamle verdsrekorden til Aust-Tyskland med heile 0,55 sekundar.

Under VM i friidrett 2015 i Beijing låg Tianna Bartoletta på tredjeplass i lengdetevlinga framfor den siste omgangen med eit bestehopp på 6,95 m. I siste omgangen smelte ho til med ny personleg rekord på 7,14 meter og sikra seg VM-tittelen framom britiske Shara Proctor som i tredje omgang hadde sett nasjonal rekord med 7,07 m. Dermed vann Bartoletta sitt andre VM-gull, ti år etter det fyrste, og to dagar før ho fylte 30 år.

Kjelder[endre | endre wikiteksten]