Vernehelgen

Frå Wikipedia – det frie oppslagsverket
Gå til: navigering, søk

Vernehelgen eller verjehelgen er ein helgen som på ein særskild måte skal verne ein by, eit landområde, ei yrkesgruppe, ei folkegruppe eller andre område i samfunnet. Vernehelgenar har spesielt ein posisjon innanfor katolsk kristendom.

I Noreg er St. Olav vernehelgen for Trondheim, St. Hallvard vernehelgen for Oslo og St. Svithun for Stavanger. St. henrik er vernehelgen for Finland, St. Birgitta vernehelgen for Sverige og St. Knut for Danmark. St. Ansgar er vernehelgen for Skandinavia.

Ei opplisting av vernehelgenar vil elles måtte ha hundrevis av namn. Til dømes er Den heilage Arnold av Arnoldsweiler vernehelgen for organistar og musikarar, Den heilage Adam av Fermo er vernehelgen for epileptikarar. Frans av Assisi er vernehelgenhelgen for Italia, Assisi, bispedømmet Basel, for fransiskanarane, dei fattige, sosialarbeid, miljøvern og økologar, kjøpmenn, skreddarar, vevearar, tøyhandlarar, linhandlarar, tapethandlarar, skipbrotne og straffangar; for lamme og blinde; mot hovudsmertar og pest; for dyrevernorganisasjonar og dyr. Den heilage Martin av Vertou er vernehelgen for dei ulykkeleg gifte.

Saksgangen for utnemning av ein offisiell vernehelgen er langvarig. Forslag fra truande treng støtte frå biskopar, og sidan hentar ein inn synspunkt frå Vatikanet, blant andre Helligkåringskongregasjonen. Til slutt er det Gudstenestekongregasjonen som gir si innstilling til paven. På medieområdet finst det foreløpig vernehelgenar for radioen (erkeengelen Gabriel), for fjernsynet (den heilage Klara av Assisi) og for pressen (den heilage Frans av Sales). Internettbrukarar må enno greie seg utan vernehelgen.

Kjelder:[endre | endre wikiteksten]