Vorarlberg

Vorarlberg

Forbundsland i Austerrike
Hovudstad	Bregenz
Flatevidd  - Rangering i Austerrike	2 601 km² 8.
Folketal (2013)  - Rangering i Austerrike  - Folketettleik	373 058 8. 141/km²
Grunnlagd
Offisielle språk	Tysk
Landeshauptmann	Markus Wallner (ÖVP)
Nettstad	www.vorarlberg.at
Flagg Våpen

Vorarlberg er eit forbundsland (Bundesland) i Austerrike. Hovudstaden er Bregenz, arealet er 2 601 km² og folketalet om lag 376 000 (2013). Vorarlberg ligg heilt vest i Austerrike, og har grense til Sveits, Liechtenstein og Tyskland.

Geografi

Vorarlberg er skild frå forbundslandet Tirol av Arlbergpasset (1 793 moh), som òg er opphavet til namnet på forbundslandet («bortanfor Arlberg»). Største elvane i Vorarlberg er Rhinen (som dannar grense mot Sveits), Ill, Bregenzer Ach og Dornbirner Ach. Høgste fjelltoppen, Piz Buin, ligg på grensa mot Sveits.

Rhindalen ved Bregenz

Forvaltning

Vorarlberg er delt opp i fire distrikt (Bezirk) som består av til saman 96 kommunar. Distrikta har namn etter forvaltningsstadene:

• Bludenz
• Bregenz
• Dornbirn
• Feldkirch

Soge

Då Austerrike-Ungarn gjekk i oppløysing etter den første verdskrigen vart det heldt ei folkerøysting i Vorarlberg i 1919, som gav 80 % fleirtal for å søkja opptak i Sveits. Dette vart det likevel ingenting av, dels grunna ei nølande haldning frå sveitsisk side.¨

Denne geografiartikkelen er ei spire. Du kan hjelpe Nynorsk Wikipedia gjennom å utvide han.