Waikato Plains
| Waikato Plains | |||
 | |||
| Land |  New Zealand
| ||
|---|---|---|---|
 Waikato Plains 37°40′12″S 175°31′06″E / 37.669941666667°S 175.51831388889°E | |||
 Kart som viser Waikato Plains.
| |||
Waikato Plains er eit større område med lågtliggjande sletter nordvest på Nordøya på New Zealand. Dei vert for ein del overfløymde ved stor vassføring i den lengste elva i landet, Waikato.
Slettene kan grovt inndelast i Midtre Waikato Plain, som er områda kring byen Hamilton, og Nedre Waikato Plain, aust for elvemunningen. Dei to delane er skilde frå kvarandre med den opprevne, låge åsrekkja Hakarimata Range mellom Ngaruawahia og Huntly.
Området er tett busett etter newzealandske tilhøve, med meir enn 250 000 menneske innanfor eit område på kring 8 000 km². Litt under halvparten av desse bur i Hamilton.
Området er svært grøderikt og for ein del intenst oppdyrka. Storfe, sauer, kornvekster og mais vert produsert her, men det er mjølkeproduksjonen som er viktigast for den lokale økonomien. Det nedre området er òg kjent for vindyrking, og det midtre har nokre av dei mest kjende oppdrettsstadane for rasehestar på den sørlege halvkula, særleg kring byane Cambridge og Matamata.
Ein betydeleg del av området er torvmyrer, og somme stader er der udrenerte sumpar. Elva dannar fleire grunne innsjøar sør i det nedre området, som til dømes Lake Waikare.
Kjelder
[endre | endre wikiteksten]- Denne artikkelen bygger på «Waikato Plains» frå Wikipedia på engelsk, den 12. april 2008.