Werknesh Kidane

Werknesh Kidane
Statsborgarskap	Etiopia
Fødd	21. november 1981 (43 år) Tigrayregionen
Idrett	friidrett
Tok del i	Sommar-OL 2012, Sommar-OL 2004, Sommar-OL 2000

Werknesh Kidane (fødd 21. november 1981) er ein etiopisk tidlegare langdistanseløpar som vann sølvmedaljen på 10 000 meter under verdsmeisterskapen 2003.

Aktiv

Kidane utmerkte seg fyrst og fremst i terrengløp. Åra 2002-05 sanka ho ein gull-, tre sølv- og to bronsemedaljar i verdsmeisterskapane i terrengløping. Gullmedaljen kom då ho i 2003 tok ein klar siger i lang løype ved meisterskapen i sveitsiske Avenches.

Året 2003 var Kidane i sitt livs form, noko som også viste att i baneløpinga. I Bislett Games i Oslo sette ho i juni personleg rekord på 5 000 meter med tida 14.33,0, klart slått i spurten av landskvinna Berhane Adere. Det same hende i milløpet under Friidrett-VM 2003 i Paris. Adere var suveren i innspurten, Kidane sette personbeste med sterke 30.07,1 og kneip sølvmedaljen, hårfint framom kinesiske Sun.

Medaljar og plasseringar i internasjonale meisterskap

• VM 1999 i Sevilla: Utslått i kvalifiseringa på 5 000 m (15.38,1=nr 19)
• OL 2000 i Sydney: Nr 7 på 5 000 m – 14.47,4
• VM 2001 i Edmonton: Utslått i kvalifiseringa på 5 000 m (15.29,9=nr 25)
• VM 2003 i Paris: Sølvmedalje på 10 000 m – 30.07,1, bakom Berhane Adere (30.04,1)
• OL 2004 i Aten: Nr 4 på 10 000 m – 30.28,3
• VM 2005 i Helsinki: Nr 6 på 10 000 m – 30.32,4
• OL 2012 i London: Nr 4 på 10 000 m – 30.39,3

Kidane og ektemannen har utvandra frå Etiopia til USA.

Kjelder

• Denne artikkelen bygger på «Werknesh Kidane» frå Wikipedia på engelsk, den 13. juli 2022.