Yooka-Laylee and the Impossible Lair

Frå Wikipedia – det frie oppslagsverket
Hopp til navigering Hopp til søk
Yooka-Laylee and the Impossible Lair
Utviklar(ar)Playtonic Games
Utgjevar(ar)Team17
Komponist(ar)Grant Kirkhope
David Wise
Matt Griffin
Dan Murdoch
Plattform(er)Microsoft Windows
PlayStation 4
Xbox One
Nintendo Switch
Utgjeving8. oktober 2019
SjangerPlattform
Spelemoduseinspelar

Yooka-Laylee and the Impossible Lair er eit plattformspel utvikla av Playtonic Games og utgjeve av Team17. Det er ein spin-off av Yooka-Laylee frå 2017, og vart utgjeve digitalt til Microsoft Windows, PlayStation 4, Xbox One og Nintendo Switch i oktober 2019, der dei tre sistnemde plattformene òg fekk fysiske utgjevingar i ettertid.[1]

Spelet er eit sidescrollande plattformspel i 2D, der spelaren kontrollerer kameleonen Yooka og flaggermusa Laylee for å fullføre ulike nivå. I nivåa er målsettinga å samle fjører og spesielle mynntar, i tillegg til å frigjere ein «Beetalion»-medlem. Desse medlemmene gjev Yooka og Laylee ein ekstra sjanse som dei kan bruke i det endelege og vanskelegaste nivået i spelet.

Eit særtrekk med spelet er at det er mogeleg å gå inn i det siste nivået kva tid som helst i spelet, sjølv om spelet oppmodar spelaren til å først sikre seg ekstra sjansar ved å greie dei andre nivåa først. Kvart nivå i spelet har òg alternative utgåver, som spelaren kan aktivere med å gjere ting i hubverda som koplar nivåa saman.[2]

Kjelder[endre | endre wikiteksten]

  1. «Yooka-Laylee and the Impossible Lair – Release Date Announcement!». Team 17. 3. september 2019. Henta 17. oktober 2020. 
  2. «Yooka-Laylee-oppfølgeren lar deg forandre på brettene – ny trailer viser hvordan». Gamer.no. 23. juli 2019. Henta 17. oktober 2020. 
Spire Denne dataspelartikkelen er ei spire. Du kan hjelpe Nynorsk Wikipedia gjennom å utvide han.