Birthe Hegstad
| Birthe Hegstad | |
| Statsborgarskap | Noreg |
| Fødd | 23. juli 1966 (57 år) Trondheim |
| Yrke | fotballspelar |
| Høgd | 168 centimeter |
Birthe Hegstad (fødd 23. juli 1966) er ein norsk tidlegare fotballspelar, fødd i Trondheim. Ho vart europameister i 1993 og fekk sølv både i EM og VM 1989 og VM 1991.
Hegstad var medlem i Bærums-laget Jardar før ho i 1985 reiste til USA for å studere. Fram til 1988 var ho aktiv på fotballaget til North Carolina University. Frå 1989 til -92 spelte ho i angrepet til det norske topplaget Klepp IL og var med å vinne cupfinalen 1991. Der etter heldt ho fram som spelar i Sprint-Jeløy (Athene Moss). I sin fyrste sesong med laget frå Moss vart ho i 1993 seriemeister jamsides landslagskollegaene Agnete Carlsen og Heidi Støre. Hegstad la opp etter 1997-sesongen.
Hegstad fekk sin landslagsdebut då Noregs kvinnelandslag i juli 1987 møtte USA til dyst for aller fyrste gong. Ho var med i tre europameisterskap på rad; 1989, 1991, 1993, så vel som i VM 1991. I alle desse fire turneringane nådde Noreg finalen, den einaste finalesigeren kom i Fotball-EM 1993, etter ein kamp der Hegstad vart matchvinnar. Fram til 1994 deltok ho i 84 landskampar og skåra 23 mål.
Merittar[endre | endre wikiteksten]
- Europameister: 1993
- EM-sølv: 1989 og 1991
- VM-sølv: 1991
- Noregsmeister: 1991 med Klepp IL
- Seriemeister: 1993 med Sprint/Jeløy
Kjelder[endre | endre wikiteksten]
- Denne artikkelen bygger på «Birthe Hegstad» frå Wikipedia på tysk, den 23. juli 2017.