Carsten Thomassen (1969-2008)

Carsten Thomassen (1969-2008)
Statsborgarskap	Noreg
Fødd	15. mai 1969 Noreg
Død	14. januar 2008 (38 år) Kabul
Yrke	journalist, skribent

Carsten Thomassen (15. mai 1969–14. januar 2008) var ein norsk journalist og forfattar. Han hadde arbeidd som utanriksreportar for Dagbladet i ni år då han blei skoten og drepen i samband med eit åtak mot Hotel Serena i Kabul i Afghanistan.

Bakgrunn

Carsten Thomassen hadde bakgrunn frå oppvekst i Frankrike og på Madagaskar, der far hans var misjonær. Han var utdanna ved Gimlekollen Mediesenter og hadde grunnfag historie. Han starta si journalistiske karriere i redaksjonen i Natur og Ungdom sitt tidsskrift. I 1990-åra byrja han i avisa Klassekampen og slutta der etter at redaktør Paul Bjerke blei oppsagt i 1997. Han arbeidde også ei tid som frilans for Dagens Næringsliv, og for Vårt Land sommaren 1998. Thomassen arbeidde i Dagbladet frå 1999, og blei fast tilsett i 2001. Han arbeidde i avisa si samfunns- og utanriksavdeling.

Bibliografi

• Gunnar Ringheim, Carsten Thomassen (red.) og Jan L. Dahl (bildered.): Bølgen som traff oss alle (2005) (ISBN 978-82-7683-411-6)
• Anne Hege Simonsen, Jon Bakkerud og Carsten Thomassen: Feighetens våpen - Kampen mot minene (1997) (ISBN 82-02-17633-6)