Emiliano Zapata

Emiliano Zapata (1879-1919) var leiar for opprøret til indianerbøndene mot jordeigarane under den meksikanske revolusjonen.

Emiliano Zapata Salazar (8. august 1879–10. april 1919) var ein meksikansk geriljaleiar og motstandsmann. Han vart ein av hovudpersonane under den meksikanske revolusjonen som braut ut i 1910, mot diktaturet til Porfirio Díaz. Zapata var mestis og leia kampen til indianerbøndene mot dei mektige jordeigarane under slagordet Reforma, Libertad, Justicia y Ley (plan de Ayla) . Han gjennomførte omfattande jordreformer i dei områda han kontrollerte, men vart til slutt drepen av fiendane sine i 1919.

Zapata vert rekna for å vere ein av dei fremste nasjonale heltane i Mexico. Byar, gater og bustadområde kalla «Emiliano Zapata» er vanlege rundt om i landet og Zapata har til tider vore avbilda på meksikanske pengesetlar. Dei opphavlege zapatistane starta i delstaten Morelos.

Brørne Emiliano og Eufemio Zapata iført karakteristisk charro-drakt med store bartar, patronbelte og sombreroar omkring 1910.

Zapatistar i nyare tid

Zapatistane (EZLN), ei revolusjonær rørsle med utgangspunkt i delstaten Chiapas, har i nyare tid teke namnet sitt etter Zapata.

Sjå òg

• Den meksikanske revolusjonen

Bakgrunnsstoff

Commons har multimedia som gjeld: Emiliano Zapata

Kjelder

• Denne artikkelen bygger på «Emiliano Zapata» frå Wikipedia på bokmål, den 13. februar 2010.