Esther Brand
| Esther Brand | |
 | |
| Statsborgarskap | Sør-Afrika |
| Fødd | 29. september 1922 Springbok |
| Død |
20. juni 2015 (92 år) |
| Yrke | friidrettsutøvar |
| Språk | engelsk |
| Esther Brand på Commons | |
Esther Cornelia Brand (29. september 1922–20. juni 2015), fødd van Heerden, var ein sørafrikansk friidrettsutøvar som vart olympisk meister i høgdehopp i 1952.
Esther van Heerden, som var fødd i Springbok i Northern Cape-provinsen, hoppa den 29. mars 1941 1,66 meter i Stellenbosch. 35 år seinare vart prestasjonen offisielt godkjend som verdsrekord. Rekorden på 1,70 meter som Dora Ratjen hadde sett allereie i 1938 vart då stroken frå rekordlistene, ettersom Ratjen i 1939 hadde vorte kjønnsbestemt til å vere mann.
Under dei olympiske leikane 1952 i Helsinki deltok Brand i diskoskasting og høgdehopp. I diskostevlinga klarte ho ikkje å kvalifisere seg til finalen. Derimot lukkast ho å vinne høgdehopp då ho i tredje forsøk på 1,67 meter tok seg over lista, som den einaste utøvaren.
Ho døydde i Bloemfontein i 2015.
Kjelder[endre | endre wikiteksten]
- Denne artikkelen bygger på «Esther Brand» frå Wikipedia på tysk, den 2. august 2015.