Hisings skipreide

Säve. Like ved har tingstaden for Hisingen lege.

Hisings skipreide var den sørlegaste av skipreidene i Båhuslen. Opphavleg femna ho om heile øya Hisingen og øygarden vestanom, men på 1200-talet vart to sokner sør på øya, Tuve og Lundby, overførte frå Noreg til Sverige. Deretter omfatta skipreida Backa, Björlanda, Rödbo, Säve, Torslanda, Tuve og Öckerö sokner, og i tillegg den del av Sverige som i vederlag var gått over til Norge, nemleg sørlege delen av Nödinge sokn på fastlandet austafor Göta älv.

Da heile Båhuslen vart svensk territorium etter freden i Roskilde i 1658 vart skipreidene i landskapet innlemma i den svenske heradsordninga. Hisings skipreide vart omskipa til Västra Hisings härad, i motsetnad til Östra Hisings härad som var den del av øya som frå før hadde vore svensk. Iblandt har òg nemningane Norska Hisingen og Svenska Hisingen vore brukte.

I dag dannar skjergardssokna Öckerö ein kommune for seg sjølv, mens heile øya Hisingen inngår i Göteborgs kommun.