Ingela

Ingela er eit kvinnenamn av tysk opphav, laga av lengre namn som byrjar på Engel- eller Ingel-, eller som ei kjæleform av Inga. Ingela har svensk namnedag den 7. november.

Ingela blei svært populært i Sverige i 1960- og 70-åra. Ved byrjinga av 2006 hadde totalt 20 013 personar i Sverige namnet, av desse hadde 12 525 det som tiltalenamn. I Noreg har namnet 92 brukarar (SSB 2007).

I kulturen

Robert Broberg laga den populære songen «Ingela» i 1969.

Ingela er namnet på hovudpersonen i ungdomsromanen Roser fra tribunene (2000) av Toril Brekke.

Namneberarar

• Ingela Forsman «Pling», (f. 1950), svensk tekstforfattar
• Ingela Thalén, (f. 1950), svensk politikar
• Ingela Lundin Kvalem (f. 1956), norsk psykolog

Bakgrunnsstoff

• Søk etter norsk namnestatistikk for Ingela hjå Statistisk Sentralbyrå