Rasulukka i Loen 1936
Frå Wikipedia – det frie oppslagsverket
(Omdirigert frå Rasulukka i Loen i 1936)
Rasulukka i Loen 1936 fann stad 13. september 1936. Som under Rasulukka i Loen 1905 rasa det frå det 1493 meter høge Ramnefjellet i Loen i Stryn i Sogn og Fjordane. Til saman omkom 74 menneske i bygdene Nesdal og Bødal, 41 av desse vart ikkje funne. Ei enorm flodbylgje skylde gjennom gardstuna og øydela alt som kom i hennar veg, både menneske og dyr, gardstun og dyrka mark. Etter den siste ulukka var desse grendene så raserte at ingen ynskte å bu der lenger.
