Terese Pedersen

Terese Pedersen
Statsborgarskap	Noreg
Fødd	27. april 1980 (43 år) Sandefjord kommune
Yrke	handballspelar
Høgd	183 centimeter

Terese Pedersen (fødd 27. april 1980), gift Hosking, er ein norsk tidlegare handballspelar frå Sandefjord som vart europameister tre gongar på rad i tida 2004-08, og elles fekk både VM-sølv og VM-bronse. Ho var målvakt på ei rad handballag i inn- og utland.

Pedersen spelte på Sandar IL til 1999, Larvik HK 1999-2001, IL Runar 2001-0?, Tertnes IL 200?-06, danske Randers HK 2007-09, Hypo Niederösterreich 2009-11 og på Byåsen IL 2011-14.

Pedersen debuterte på landslaget 3. august 2004 mot Sverige. I åra fram til 2009 var ho med i alle tre europameisterskapane og ditto verdsmeisterskap, ofte utan å få særleg mykje speletid. Ho sat på tribunen i begge EM-finalane 2004 og -06, men deltok i VM-finalen 2007. Til Sommar-OL 2008 i Beijing reiste ho som reserve, då heile den norske handballtroppen bestod av einast 12 spelar. Under EM 2008 i Makedonia i desember same året spelte ho så godt at ho fekk rolla som andremålvakt, og tok del i finalen saman med målvaktskollega Katrine Lunde. Pedersen fekk 15. desember 2009 notert sin 82. og siste landskamp, då Noreg slo Spania i bronsekampen i VM.

Merittar

• EM 2004: Gullmedalje etter 27–25 mot Danmark
• VM 2005: Nr 9 med Noreg
• EM 2006: Gullmedalje etter 27–24 mot Russland
• VM 2007: Sølvmedalje etter 24–29 mot Russland
• EM 2008: Gullmedalje etter 34–21 mot Spania
• VM 2009: Bronsemedalje etter 26–21 mot Spania