Tofu

Frå Wikipedia – det frie oppslagsverket
Japansk tofu.

Tofu, og kalla bønne-ost, er eit tradisjonelt soyaprodukt frå Asia. Det vert laga av soyamjølk som vert tilsett eit koagulerande middel (til dømes syre, som sitronsaft eller eddik). Massen som då samlar seg vert sila før han pressas og kjølast ned.

Tofu har opphav i Kina under Han-dynastiet. I verket Bencao Gangmu[1] skildrar Li Shizhen (farmakolog frå Ming-dynastiet) korleis ein lagar tofu.

Tofu er proteinrikt, og inneheld lite feitt. Det er difor populært blant vegetarianarar og helseentusiastar. Produktet kan og brukast av laktose-intolerante, som eit alternativ til ost.

Etymologi[endre | endre wikiteksten]

Det norske ordet tofu kjem frå det japanske tōfu (豆腐), som igjen kjem frå det kinesiske dòufu (豆腐 eller 荳腐), som tyder «bønne» (豆) pluss «ferment» (腐).

Fersk tofu[endre | endre wikiteksten]

Fersk tofu vert produsert direkte frå soyamjølka.

  • Fast tofu

Denne type tofu har ein fast struktur. Den egnar seg til å skjerast i terningar eller skiver og bli steikt, bakt eller frityrsteikt.

  • Silketofu

Silketofu har ein blautare konsistens enn fast tofu. Den egnar seg til bruk i saus, krem eller suppe.

Kjelder[endre | endre wikiteksten]

  1. Joseph Needham: Science and Civilisation in China, Vol 6 Part 5 Chapter 40, section d.2

Bakgrunnsstoff[endre | endre wikiteksten]

Wikimedia Commons har multimedia som gjeld: Tofu