Zabaione

Frå Wikipedia – det frie oppslagsverket
Gå til: navigering, søk
Sabayon
Sabayon au champagne.

Zabaione eller zabaglione er ein dessertkrem laga av vispa eggeplomme, sukker og søt vin. Retten stammar frå Italia og er kjend frå mange land under litt ulike namn, som sabayon i Frankrike og sabajón i Colombia.

Ein lagar som regel zabaion ved å vispa eggeplomme og sukker. Deretter varmer ein retten over vassbad medan ein tilset vinen under fortett visping eller røring. Ofte bruker ein marsalavin eller Moscato d'Asti, men andre søte vinar, portvin eller søt sherry kan også brukast. Retten skal vera tjukk, men ikkje heilt stiv. Han blir servert straks etter tillaging.

Zabaione kan etast som rett for seg eller saman med frukt, bær, småkaker og liknande. Ein kan tilsetja smaksstoff som sitronskal eller honning. Retten kan ogå brukast som dessertsaus, eller til å laga andre dessertrettar som tiramisu.

Ein variant er nedfrosen zabaione, eller zabaione som iskremsmak.

Sjå òg[endre | endre wikiteksten]


Bakgrunnsstoff[endre | endre wikiteksten]

Commons-logo.svg Commons har multimedia som gjeld: Zabaione

Kjelder[endre | endre wikiteksten]

Frå The Food Lover's Companion, Fourth edition by Sharon Tyler Herbst and Ron Herbst. Copyright © 2007, 2001, 1995, 1990 by Barron's Educational Series, Inc. ved foodterms.com Oppskrifter