A Blaze in the Northern Sky
| A Blaze in the Northern Sky Studioalbum av Darkthrone | ||
| Språk | engelsk | |
| Utgjeve | 26. februar 1992 | |
| Innspelt | August 1991 Creative Studios i Kolbotn | |
| Sjanger | Svartmetall | |
| Lengd | 42:05 | |
| Selskap | Peaceville Records | |
| Produsent | Darkthrone | |
| Kritikk | ||
|---|---|---|
| Darkthrone-kronologi | ||
| Soulside Journey (1991) |
A Blaze in the Northern Sky | Under a Funeral Moon (1993)
|
A Blaze in the Northern Sky er det andre studioalbumet til det norske metallbandet Darkthrone. Det er det fyrste svartmetallalbumet åt bandet, som då var ein fersk sjanger. Innspeling føregjekk i Kolbotn utanfor Oslo, i august 1991, og vart utgjeve seks månadar seinare.
Innspeling og utgjeving
[endre | endre wikiteksten]Darkthrone sitt fyrste album; Soulside Journey, var eit tradisjonelt daudmetallalbum i svensk death metal-stil, og etter denne utgjevinga i januar 1991, byrja bandet å skriva songar med meir drag og karaktertrekk åt (norsk) svartmetall. Dette viste dei verkeleg på demoen Goatlord. Etter innspelinga av det instrumentale på Goatlord sette tre av medlemane (Fenriz, Nocturno Culto, Zephyrous) seg føre å fokusere fullt på svartmetallen. Bassisten Dag Nilsen mislika den raske endringa og slutta i bandet, men han godtok å fullføra albumet som ein sidemedlem.
Bandet fór fort frå djup growling til ein meir "skrikete", nasal og kraftfull vokalstil. Fenriz sagde i eit intervju at albumet var på ein måte klart, men med death metal-stil, og den type ljod var dei ferdige med. Albumet var planlagd ferdig innspelt innan hausten, og vart ifylgje Fenriz litt "jaga" og "påhasta".
Albumet vart innspelt i Creative Studios i Kolbotn i august 1991, same som Mayhem sitt Deathcrush vart i 1984. Bandet stod sjølv for produseringa saman med vekslande hjelp frå tilsette ifrå Creative Studios. På grunn av den plutselege sjangerskiftet var Peaceville fyrst uvillige og vrange om å utgje albumet i si opphavlege form. Peaceville hadde jo gjeve dei kontrakt for eit death metal-band, og ikkje eit svartmetallband. Då truga bandet med å utgje A Blaze in the Northern Sky gjennom Deathlike Silence Production, plateselskapet til Euronymous (Øystein Aarseth). Darkthrone og Peaceville vart samde; albumet blei utgjeven i si originale form den 26. februar 1992.
A Blaze in the Northern Sky kom fyrst ut på CD i 2000 kopiar. I 2003 vart plata reutgjeve av Peaceville i digipak. På denne utgåva vart del II av firedelsintervjuet mellom Fenriz og Nocturno Culto inkludert som bonusmateriale. Ein reutgjeving kom i 2009 att; i LP-versjon.
Plateomslag
[endre | endre wikiteksten]Plateomslaget skilde seg ut frå andre plateomslag på nittitalet, som var fargerike, medan A Blaze in the Northerns Sky åtte berre fargane svart og kvitt. Modellen er Ivar Enger (Zephyrous), bandet sin andregitarist, – i ein aggressiv og trugande posisjon. Tittelen står tydeleg med kvit skrift i botnen av omslaget.
Innhald
[endre | endre wikiteksten]| Nr. | Tittel | Lengd |
|---|---|---|
| 1. | «Kathaarian Life Code» | 10:39 |
| 2. | «In the Shadow of the Horns» | 7:02 |
| 3. | «Paragon Belial» | 5:25 |
| 4. | «Where Cold Winds Blow» | 7:26 |
| 5. | «A Blaze in the Northern Sky» | 4:58 |
| 6. | «The Pagan Winter» | 6:35 |
Medverkande
[endre | endre wikiteksten]- Nocturno Culto – vokal, elektrisk gitar
- Zephyrous – rytmegitar
- Dag Nilsen – bassgitar (sidemedlem)
- Fenriz – perkusjon, slagverk, støttevokal
Kjelder
[endre | endre wikiteksten]- Denne artikkelen byggjer på «A Blaze in the Northern Sky» frå Wikipedia på engelsk, den 5. og 18 august 2011.
- Wikipedia på engelsk oppgav desse kjeldene:
- Videointervju med Darktrone frå A Blaze in the Northern Sky (Bonusmateriale: 2003 reutgjeving)
- Plateomslag på A Blaze in the Northern Sky
- Encyclopaedia Metallum: The Metal Archives – Darktrone: A Blaze in the Northern Sky lenkje