Adamsbrua

Frå Wikipedia – det frie oppslagsverket
Adamsbrua
øyar
Land Mal:Landdata India, Sri Lanka
Kart
Adamsbrua
9°7′16″ N 79°31′18″ E
Wikimedia Commons: Adam's Bridge

Adamsbrua, også kjend som Ramabrua (etter hinduguden Rama) er ei 48 km lang lekkja av øyar og sandbankar mellom India og Sri Lanka.

Landforma og ligg mellom Pamban-øya, også kjent som Rameshwaram-øya, på den søraustlege kysten av Tamil Nadu i India, og Mannar-øya utanfor nordvestkysten av Sri Lanka. Geologiske funn tyder på at denne brua tidlegare var eit landfast samband mellom India og Sri Lanka.[1]

«Brua» er danna av kalkstein og er 50 km lang. Ho dannar eit skilje mellom Mannargolfen i sørvest og Palksundet i nordaust. Nokre av sandbankane er tørre og havet i området er svært grunt, berre 1 til 10 meter djupt på enkelte stader. Dette er til hinder for sjøfarten, men forsøk på å utvida kanalen på 1800-talet stoppa.[1] Ein skal ha kunna gå over landforma til fots fram til 1400-talet, før stormar skapte kanalen. Nedteikningar frå det lokale Ramanathaswamy-tempelet fortel at Adamsbrua låg heilt over havet før ein syklon raserte området i 1480.[2]

Mytologi[endre | endre wikiteksten]

Landforma er blitt knytt til brua nemnd i sanskriteposet Ramayana.[3] Ifølgje hindusoga blei denne brua bygd av apemenne («vansara») for å hjelpa Rama til å redda kona si Sita frå Ravana.[4] Ravana var konge over «Lankapura» eller «Lanka», som ein ofte har identifisert med Sri Lanka. Analysar av ulike eldre versjonar av Ramayana har ført til at forskarar har sagt at Lankapura ikkje kunne ha vore lenger sør enn elva Godavari. Alle desse prova er geografiske, botaniske eller folkloristiske, ettersom det ikkje finst noko arkeologisk prov.[5][6]

Ifølgje muslimske soger er brua knytt til Adam, som kryssa henne på veg til Adam's Peak. Her stod han på ein fot i anger i tusen år.[1]

Kjelder[endre | endre wikiteksten]

  1. 1,0 1,1 1,2 «Adam's bridge». Encyclopædia Britannica. 2007. Arkivert frå originalen den 12. oktober 2007. Henta 14. september 2007. 
  2. Garg, Ganga Ram (1992). «Adam's Bridge». Encyclopaedia of the Hindu World A–Aj. New Delhi: South Asia Books. s. 142. ISBN 81-7022-374-1. 
  3. Room, Adrian (2006). Placenames of the World. McFarland & Company. s. 19. ISBN 0-7864-2248-3. 
  4. «Valmiki Ramayana - Yuddha Kanda». www.valmikiramayan.net. Henta 19. januar 2019. 
  5. Kumar, Krishna (1994). «The historicity and date of the Ramayana episode: a new approach to the problem». Archív Orientální 62: 382–400. 
  6. Sankalia, H.D. (1982). The Ramayana in Historical Perspective. Macmillan India. s. 120–122. 

«Adamsbroen» i Caplex.