Godavari

Frå Wikipedia – det frie oppslagsverket
Gå til: navigering, søk
Godavari
Elv
none  Godavari ved byen Kovvur.
Godavari ved byen Kovvur.
Land Flag of India.svg India
Statar Maharashtra, Madhya Pradesh, Karnataka, Orissa, Andhra Pradesh,
By Rajamundry
Kjelde Brahmagiri-fjellet i Trimbakeshwar
Munning Antarvedi i Bengalbukta
Lengd 1 450 km
Nedslagsfelt 319 808 km²
Godavari River.png

Godavari (marathi गोदावरी, telugu గోదావరి) er ei elv i sentrale India. Ho spring ut i fjella i Maharashtra, i Trimbakeshwar nær Nasik og Mumbai, berre 38 mil frå Det arabiske havet. I staden for å renna ut her krysser ho landet og renn ut i Bengalbukta i aust. Med ei lengd på rundt 1 450 km er Godavari den nest lengste elva i India, etter Krishnaelva.[1]

Munningane til Godavari (øvst) og Krishnaelva.

Godavari har utspring i Dei vestlege Ghatfjella ved Trimbak i delstaten Maharashtra. Elva renn så i austleg retning over Deccanplatået, gjennom Maharashtra, Karnataka, Orissa og Andhra Pradesh. Nær Rajamundry, 80 km frå austkysten, delar elva seg i to og dannar eit delta. Ho munnar ut i Bengalbukta. Elva har eit nedbørsfelt på 319 808 km².[1]

Under monsuntida har elva stor vassføring, medan det øvre elveleit tørker ut vår og haust.[2] Vatnet i elva er brunfarga. Dei største sideelvene er Indravati, Pranahita, Wainganga, Wardha, Manjira, Bindusara og Sabari.[1]

Hinduprosesjon i Godavari.

Elva blir også kalla Vriddh Ganga ('Gamle Ganges') eller Dakshin Ganga ('Sør-Ganges'). Heile elva er heilag for hinduar.[2] Som alle større elvar i India finst det mange valfartsmål ved Godavari, som Triyambak, Nasik og Bhadrachalam.[1] Dei største byane langs elva er Aurangabad, Nagpur, Nizamabad, Nasik, Nanded, Balaghat, Bhadrachalam, Rajamundry og Narsapur.[3]

Før elva nar Rajamundry er ho demma opp til vasskraft.[2] Ei stor veg- og jarnbanebru over Godavari bind saman Kovvur og Rajamundry.[1] Rundt halvparten av elva blir brukt til kunstig vatning.[3] Elvedeltaet blir brukt til risdyrking.[2] Godavari er sterkt forureina, særleg av industriverksemd.[3]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Godavari

Kjelder[endre | endre wikiteksten]

  1. 1,0 1,1 1,2 1,3 1,4 Rivers of India, nih.ernet.in
  2. 2,0 2,1 2,2 2,3 Mahanadi River, britannica.com
  3. 3,0 3,1 3,2 River Godavari. rainwaterharvesting.org.