Albert Gleizes

Frå Wikipedia – det frie oppslagsverket
Gå til: navigering, søk
Albert Gleizes, kring 1920

Albert Gleizes (8. desember 188123. juni 1953) var ein fransk målar, forfattar og kunstteoretikar, fødd i Paris. Han vert rekna som ein føregangsmann for kubismen. Gleizes var systerson til målaren Léon Comerre.

Liv og gjerning[endre | endre wikiteksten]

Gleizes var utdanna til teknisk teiknar. Etter fire år i den franske hæren byrja han i 1905 å livnære seg som målar. Han var stor sett sjølvlærd, var sterkast inspirert av kubisten Henri Le Fauconnier.

I 1911 fekk han stilt ut eigne verk på kunstutstillinga Salon d'Automne, same året var han med på å danne kunstnargruppa Section d'Or. For å fremje interessa for både sine eigne måleri og verka til dei andre i gruppa, skreiv han fleire bøker om kunst og kunsthistorie. Saman med Jean Metzinger forfatta han avhandlinga „Du Cubisme“ i 1912 og nytta såleis, for fyrste gong, det verdifrie omgrepet kubisme. Åra 1915-1919 budde han i New York, der han aktivt spreidde kunnskap om moderne, europeisk kunst.

Då Gleizes kom tilbake til Europa hadde kunstmiljøa i Frankrike endra seg. Nye stilretningar og kunstteoriar var i framvekst. Også Gleizes utvikla sine verk, men heldt i stort fast ved ei kubistisk grunnform. Han flytta frå Paris i 1926, likevel deltok han gjennom åra i kunstverda som ein aktiv skribent og målar. I 1927 grunnla han ei foreining som skulle styrke kunsthandverket, og i 1931 let han seg engasjere av kunstrørsla Abstraction-Création. På verdsutstillinga 1937 i Paris fekk han stilt ut akvarellar.

Han døydde i Avignon sommaren 1953.

Biletkunst av Gleizes finst på engelsk wikipedia.

Kjelder[endre | endre wikiteksten]