Anne Berge

Frå Wikipedia – det frie oppslagsverket
Hopp til navigering Hopp til søk
Anne Berge
Fødd 31. januar 1966
Sandvika
Yrke alpinist

Anne Ragna Berge (fødd 31. januar 1966) er ein norsk tidlegare alpinist frå Sandvika i Akershus, som vann to NM-gull og kom på pallen i eitt verdscuprenn. Ho var medlem av Stabæk Idrettsforening.

Aktiv[endre | endre wikiteksten]

Berge tok sølv i storslalåm og bronse i utfor under NM i alpine greiner 1982 på Voss. Året etter vart ho i Hurdal norsk meister i storslalåm. I 1986 vart det NM-sølv i utfor, medan ho i 1987 vann sølv i storslalåm og bronse i utfor. Sølv og bronse fekk ho også i NM i alpine greiner 1987 i Tromsø, men då i slalåm og storslalåm.

Etter eit par medaljefrie sesongar kom Berge i NM 1990 på bronseplassen i storslalåm. To år seinare gav ho Marianne Kjørstad kamp om gullmedaljen i slalåm under NM 1992 på Bjorli, men enda opp med sitt femte NM-sølv. Tidlegare i sesongen deltok ho under Vinter-OL 1992 i Albertville og kom på femteplass i kombinasjonen og åttandeplass i slalåm. Året etter vart ho nummer ni i slalåm då VM i alpine greiner 1993 vart avvikla i Morioka i Japan.

Seint i OL-sesongen 1994 overraska Berge med ein tredjeplass i storslalåm i verdscupen i alpine greiner, rennet fann stad i Vail i USA, der ho einast hadde tyske Martina Ertl og Vreni Schneider frå Sveits framfor seg på resultatlista. Heilt på tampen av 1994-sesongen vann Berge sitt andre noregsmeisterskap, elleve år etter det fyrste. Ho slo unge og talentfulle Andrine Flemmen med 22 hundredels sekund i storslalåm.

Begre la opp etter 1995-sesongen.

Kjelder[endre | endre wikiteksten]

  • Sportsboken, aktuelle årgangar