Vreni Schneider

Frå Wikipedia – det frie oppslagsverket
Hopp til navigering Hopp til søk
Vreni Schneider
Vreni Schneider 1989 Paraguay stamp.jpg
Fødd 26. november 1964
Elm
Yrke alpinist
Vreni Schneider på Commons

Verena «Vreni» Schneider (fødd 26. november 1964) er ein sveitsisk, tidlegare skirnnar. Ho vann verdscupen i alpint tre gongar, og heile 55 enkeltrenn. Seks gongar gjekk ho til topps i olympiske leikar og verdsmeisterskap. Ho vann i alt elleve medaljar i vinter-OL og ski-VM.

Schneider er frå landsbyen Elm i Glarus Süd, der ho også bur. Ho driv ein skiskule på heimstaden Elm og ein sportsbutikk i Glarus.

Aktiv[endre | endre wikiteksten]

Schneider slo gjennom då ho i desember 1984 vann verdscuprennet i storslalåm i Santa Caterina. Ho lukkast ikkje i verdsmeisterskapen 1985 i Bormio, ein 12. plass i storslalåm var det heile. På tampen av gjennombrotssesongen vann ho i Waterville Valley sitt verdscuprenn nummer to. I 1986-sesongen vann ho tre renn i verdscupen, alle i storslalåm. Første sigeren i slalåm i verdscupen kom i Courmayeur i desember 1986.

Schneider vart verdsmeister i storslalåm 1987 i Crans-Montana. Til saman i sesongen vann ho seks verdscuprenn. I OL-sesongen 1988 vann ho einast to renn, men vart i Calgary olympiameister i både storslalåm og slalåm.

I verdscupen 1989 vann ho 14 verdenscuprenn, fleire sigrar enn nokon annan alpinist har prestert i ein og same sesongen. Ho vann då både verdscupen, slalåmcupen og storslalåmcupen. Under verdsmeisterskapen i Vail vann ho storslalåmtevlinga for tredje gong på rad (VM 1987, OL 1988, VM 1989), og sølvmedaljane i slalåm og den alpine kombinasjonen. I 1990-sesongen gjekk ho til topps i fem verdscuprenn, alle i storslalåm.

Sesongane 1991 og 1992 vann Schneider høvesvis tre og fem sigrar i verdscupen. Mellom desse var hennar tjuande og siste siger i storslalåm, i Oberstaufen på nyåret 1992. På skotårsdagen 1992 vann ho verdscuprennet i slalåm i Narvik, hennar einaste siger på norsk snø. I 1993 vann ho fire slalåmrenn i verdscupen, og i OL-sesongen 1994 sju slalåmrenn. Under vinter-OLLillehammer fekk ho sølv i kombinasjonen og bronse i storslalåm. I sin siste sesong vann ho fire slalåmtevlingar i verdscupen, den siste under verdscupavslutninga i Bormio 18. mars 1995. Ei veke seinare vart ho sveitsisk meister i slalåm, og melde då frå om at ho slutta som aktiv utøvar.

OL[endre | endre wikiteksten]

VM[endre | endre wikiteksten]

Verdscupen[endre | endre wikiteksten]

  • Vinnar: 1989, 1994, 1995. Nr 2: 1987. Nr 3: 1991
  • Vinnar av slalåmcupen: 1989, 1990, 1992, 1993, 1994, 1995
  • Vinnar av storslalåmcupen: 1986, 1987, 1989, 1991, 1995

Schneider noterte seg for 55 sigrar i enkeltrenn i verdscupen; 34 kom i slalåm, 20 i storslalåm og ein i kombinasjon. 100 gongar kunne ho klive opp på plallen i verdscupen.

Schneider la opp i 1995, etter å hå vore i verdseliten i alpint i elleve sesongar.

Bakgrunnsstoff[endre | endre wikiteksten]