Anthony Kennedy
| Anthony Kennedy | |
 | |
| Statsborgarskap | USA |
| Fødd | 23. juli 1936 (88 år) Sacramento |
| Yrke | jurist, dommar, advokat, universitetslærar, politikar |
| Politisk parti | Det republikanske partiet |
| Religion | Den romersk-katolske kyrkja |
| Anthony Kennedy på Commons | |
Anthony McLeod Kennedy (fødd 23. juli 1936 i Sacramento i California i USA) er ein amerikansk jurist. Han er tidlegare domar ved Høgsteretten i USA. Han vart nominert av president Ronald Reagan[1] og tiltredde den 18. februar 1988.[2] Han gjekk av i 2018.
Liv og virke
[endre | endre wikiteksten]Kennedy studerte ved Stanford University frå 1954 til 1958, og vart uteksaminert med ein bachelorgrad i statsvitskap,[3] etter å ha hatt sitt siste studieår ved London School of Economics. Deretter studerte han juss ved Harvard Law School, der han vart Bachelor of Laws cum laude i 1961.[4]
Kennedy arbeidde så i ein privat praksis i San Francisco mellom 1961 og 1963. I 1963, etter at faren døydde, tok han over faren sin advokat-praksis i heimbyen Sacramento, der han var fram til 1975.[5] Mellom 1965 og 1988 var Kennedy tilsett som professor ved McGeorge School of Law ved University of the Pacific.[3]
Etter at Sandra Day O'Connor trekte seg frå Høgsteretten, var Kennedy den såkalla vippestemma, altså dommaren som av og til røysta med dei liberale dommarane, og i Kennedys tilfelle, mest stemma med dei konservative dommarane. Særleg i avgjerder om likekjønna ekteskap var stemma til Kennedy viktig.[6]
Kjelder
[endre | endre wikiteksten]- ↑ «Reagan, on 3rd Try, Picks Californian for High Court: 'Bit Wiser' After Two Defeats». Los Angeles Times. Associated Press. November 11, 1987. Arkivert frå originalen March 31, 2017. Henta 27. juni 2018.
- ↑ «Kennedy sworn, court at full strength». The Galveston Daily News (Galveston, Texas). AP. February 19, 1988. Arkivert frå originalen 26. februar 2019 – via Newspapers.com.
- ↑ 3,0 3,1 «LII: US Supreme Court: Justice Kennedy». Arkivert frå originalen 21. februar 2009. Henta 10. januar 2009.
- ↑ «Biographies of Current Justices of the Supreme Court». Supreme Court of the United States. Arkivert frå originalen 22. juli 2018. Henta 25. januar 2012.
- ↑ Christopher L. Tomlins (2005). The United States Supreme Court. Houghton Mifflin. ISBN 0618329692. Henta 21. oktober 2008.
- ↑ David S. Cohen (30. juni 2015): It's Justice Kennedy's World, and We're All Just Living in It. Rolling Stone Magazine
- Denne artikkelen bygger på «Anthony Kennedy» frå Wikipedia på bokmål, den 9. oktober 2018.