Assi Azar
| Assi Azar | |
 | |
| Fødenamn | hebraisk skrift אסי עזר |
| Statsborgarskap | Israel |
| Fødd | 10. juni 1979 (44 år) Holon 
|
| Yrke | arrangementvert, programleiar, manusforfattar |
| Assi Azar på Commons | |
Assi Azar (fødd 10. juni 1979) er ein israelsk tv-personlegdom, programleiar og manusforfattar. Han har leia ei rekkje show og talentprogram på israelsk fjernsyn, og han var ein av fire programleiarar i Eurovision Song Contest i Tel Aviv i mai 2019. Out Magazine kåra i 2009 Azar til ein av dei hundre mest innflytelsesrike homofile personane i verda.
Bakgrunn[endre | endre wikiteksten]
Azar vart fødd i Holon i Israel og er av bukharisk-jødisk og jemenittisk-jødisk herkomst.[1][2]
Azar dukka fyrste gong opp som programleiar for internettprogrammet KIK, og i 2004–2005 var han programleiar for ungdomsprogrammet Exit.[2] Seinare deltok han i ei rekkje tv-program på israelsk fjernsyn, inkludert Big Brother, som han leia saman med Erez Tal frå 2008 til 2015. Sidan 2013 har han også vore programleiar for den israelske uttakinga til Eurovision Song Contest, HaKokhav HaBa.
25. januar 2019 kunngjorde Israels offentlige kringkastingsselskap at Azar skulle vere programleiar for Eurovision Song Contest 2019 i Tel Aviv saman med Lucy Ayoub, Erez Tal og Bar Refaeli.[3] Tal og Refaeli var hovudprogramleiarar, medan Azar og Ayoub var programleiarar i green room, opphalsrommet til artistane under sendingane.[4]
Privatliv[endre | endre wikiteksten]
I 2005 kom Azar ut som homofil.[5][6] Kort tid etter begynte han å lage dokumentarfilmen Mom and Dad: I Have Something to Tell You.[6] 11. april 2016 gifta han seg med den spanske kjærasten sin Albert Escolà i Barcelona.
Azar er ein LHBT-aktivist, og i 2009 vart han kåra til blant dei hundre mest innflytelsesrike homofile personane i verda av Out Magazine.[6]
Kjelder[endre | endre wikiteksten]
- ↑ «Assi Azar [TV Host] - AWiderBridge» (på engelsk). Arkivert frå originalen 15. september 2017. Henta 27. januar 2019.
- ↑ 2,0 2,1 Azar on nrg.co.il
- ↑ Zwart, Josianne. «Bar Refaeli, Erez Tal, Assi Azar & Lucy Ayoub to host Eurovision 2019!». eurovision.tv. Henta 25. januar 2019.
- ↑ «Meet the Eurovision 2019 hosts: Bar Refaeli, Erez Tal, Assi Azar and Lucy Ayoub». wiwibloggs.com. 25. januar 2019. Henta 26. januar 2019.
- ↑ "Assi Azar comes out", ynet, 31. mars 2005.
- ↑ 6,0 6,1 6,2 «ASSI AZAR: Israeli TV personality and gay rights advocate». Cornell University. 2015. Henta 24. juni 2015.
- Denne artikkelen bygger på «Assi Azar» frå Wikipedia på bokmål, den 18. desember 2022.