August Embretsen

Frå Wikipedia – det frie oppslagsverket
Jump to navigation Jump to search

August Embretsen (19. oktober 186926. desember 1914) var ein norsk snikkar, gardbrukar og stortingsmann frå Åsnes, medlem av Arbeidarpartiet.

Liv og gjerning[endre | endre wikiteksten]

Embretsen var frå garden Ingelsrud i Åsnes, eit bruk som far hans dreiv. Sjølv gjekk han amtsskulen og byrja i 1896 i snikkarlære i Kristiania. Sidan arbeidde han som snikkar og gardbrukar i heimbygda Åsnes.

I 1904 var Embretsen med å stifte Hedmark Arbeiderparti, der han vart fyrste formann. Same året vart han vald inn i kommunestyret i Åsnes. Som lokalpolitikar i Åsnes var han sentral i oppkjøpet av avisa Solungen, som Arbeiderpartiet eigde frå 1. januar 1907.[1] I 1910 vart han den første ordføraren i Åsnes som representerte Arbeiderpartiet.[2]

Embretsen vart vald inn på Stortinget i 1909 frå valkrinsen Solør, på tinget var han medlem av kyrkjekomiteen. Etter han vart attvald hausten i 1912, tok han sete i vegkomiteen og i Lagtinget. Han døydde året før stortingsperioden var over, Theodor Aaset tok då over ombodet etter han.[3]

Kjelder[endre | endre wikiteksten]

Notar[endre | endre wikiteksten]

  1. Solbakken, Evald (1951). Det røde fylke. Trekk av den politiske arbeiderbevegelse i Hedmark gjennom 100 år. Hamar: Hedmark Arbeiderparti. s. 126–131. 
  2. Solbakken, 1951: s. 151
  3. Dødsfald, 29. desember 1914, s. 2