Baise i Guangxi
| Baise | |||
| prefektur | |||
 | |||
| Land |  Folkerepublikken Kina
| ||
|---|---|---|---|
| Areal | 36 201,77 km² | ||
| Folketal | 3 669 400 (2018)[1] | ||
 Baise i Guangxi 23°54′04″N 106°37′10″E / 23.90103°N 106.61943°E | |||
| Wikimedia Commons: Baise | |||
.png)
Baise (hanzi 百色, pinyin Bǎi Sè, tidlegare Bósè) er eit byprefektur i den autonome regionen Guangxi i Folkerepublikken Kina.
Baise ligg nordvest i Guangxi og grensar til provinsane Guizhou og Yunnan, og til Vietnam. Prefekturet ligg midt mellom tre sørvestkinesiske administrasjonshovudstadar, Nanning, Kunming og Guiyang. Av arealet på 3 726 km² er meir enn 55 % skog.
Klimaet i Baise er tropisk, og det ligg i monsunområdet. Den årlege nedbøren er gjennomsnittleg på 1115 mm, og snittemperaturen er 22 °C.
Byen Baise vart grunnlagt som ein han-kinesisk garnison i 1730. Han var rekna som eit stammeområde, og hadde historisk lite sentral kontroll. På 1800-talet byrja kjøpmenn frå Guangzhou (Canton) å slå seg ned der, og i 1875 kom staden under vanleg sivil administrasjon.[2]
Administrative einingar
[endre | endre wikiteksten]Baise omfattar eitt bydistrikt, 11 fylke og eitt autonomt fylke.
Bydistrikt:
- Youjiang (右江区)
Fylke:
- Longlin (隆林县)
- Leye (乐业县)
- Xilin (西林县)
- Tianlin (田林县)
- Lingyun (凌云县)
- Tianyang (田阳县)
- Tiandong (田东县)
- Pingguo (平果县)
- Debao (德保县)
- Napo (那坡县)
- Jingxi (靖西县)
Autonomt fylke:
- Longlin Gezu Zizhi (隆林各族自治县)
Folkesetnad
[endre | endre wikiteksten]Folkegruppene zhuang, han, yao, hui og miao er dei mest talrike i prefekturet. I 2019 hadde Baise 4 226 800 innbyggjarar, av desse budde 1,383,400 i byområdet.[3] 80 % av innbyggjarane var zhuangfolk.[4]
Økonomi
[endre | endre wikiteksten]Baise er ein av dei viktigaste produsentane av aluminium i Kina, med både gruvedrift, foredling og produksjon av aluminiumsprodukt. Det tropiske klimaet legg til rette for stor fruktproduksjon. Ellers er trevirke og treprodukt viktige og der er også petroleum, naturgass, kopar og kvarts. Baise er også den tredje største vasskraftprodusenten i Guangxi med ein årleg produksjon på fem millionar kilowatt.
Turisme
[endre | endre wikiteksten]Området er rekna for å ha ven natur.[5] Dei skogdekte fjellområda i Baise har mange plante- og dyreslag. Grensetraktene er blant dei minst utvikla delane av Kina. Dette, saman med det etniske mangfaldet, har vore gunstig for utviklinga av turistnæringa.
Kjelder
[endre | endre wikiteksten]- ↑ 1,0 1,1 1,2 1,3 https://citypopulation.de/en/china/guangxi/admin/.
- ↑ «Baise | China», Encyclopedia Britannica (på engelsk), henta 30. juli 2021
- ↑ «百色市人口数据».
- ↑ Official website of Baise Government Arkivert 2013-01-02 ved Wayback Machine.
- ↑ «Baise Guangxi: Non-ferrous Metal Mining City Bordering with Vietnam», www.travelchinaguide.com, henta 30. juli 2021
- Denne artikkelen bygger på «Baise i Guangxi» frå Wikipedia på bokmål, den 13. oktober 2009.
 | Denne artikkelen treng fleire referansar for verifikasjon. |
Bakgrunnsstoff
[endre | endre wikiteksten]- Den offisielle nettstaden baise.gov.cn Arkivert 2008-09-13 ved Wayback Machine.