Banjul

Frå Wikipedia – det frie oppslagsverket
Hopp til navigering Hopp til søk
Banjul
by
Banjul King Fahad Mosque.jpg
Land Flag of The Gambia.svg Gambia

Banjul
13°27′11″ N 16°34′39″ W
Wikimedia Commons: Banjul

Banjul er hovudstaden i Gambia og ligg på øya St. Mary's Island der Gambiaelva renn ut i Atlanterhavet. Byen er ein av dei minste hovudstadene i Afrika, og blir ofte kalla ein diger landsby. I 2014 hadde han eit estimert folketal på 489 000.[1] Den største byen og det økonomiske senteret i landet er Serekunda.

St. Mary's Island ligg mindre enn 1 meter over havet. Delar av byen er dermed utsette for flaum og havstiging.[2]

Historie[endre | endre wikiteksten]

Britane grunnla byen i 1816 som ein handelsstasjon og eit utgangspunkt for å nedkjempa slavehandelen.[3] Dei gav han namnet «Bathurst» etter Henry Bathurst, som var britisk minister for koloniane. Namnet blei endra til Banjul i 1973.[3]

Kommunikasjon[endre | endre wikiteksten]

Banjul er den einaste hamnebyen i landet. Saman med peanøttprodukt, som er hovudeksportvara til Gambia, blir òg andre varer som bivoks, palmeolje, palmetrevyrke og dyreskinn frakta ut frå byen. Banjul har òg ein internasjonal flyplass i Yundum, 30 km sørvest for byen.[3]

Byen har samband med det indre av landet og med Senegal via ei ferje som kryssar Gambiaelva til Barra, og av motorvegen Banjul-Serekunda Highway. Det går også ferje til Basse Santa Su opp Gambiaelva.[3]

Monument[endre | endre wikiteksten]

Arch 22, Tjuetobogen, er inngangen til Banjul.

Arch 22, Tjuetobogen, er porten til Banjul og bygd til minne om militærkuppet som skjedde den 22. juli 1994. Den boga porten er 35 meter høg og står midt på ein open plass som òg er ein del av monumentet.

Kjelder[endre | endre wikiteksten]

  1. «Gambia | Facts, History & News», www.infoplease.com (på engelsk), henta 16. februar 2022 
  2. «Floods, sewage and crocodiles: the crisis of the Gambia’s sinking city», the Guardian (på engelsk), 15. november 2021, henta 16. februar 2022 
  3. 3,0 3,1 3,2 3,3 «Banjul | national capital, The Gambia | Britannica», www.britannica.com (på engelsk), henta 16. februar 2022 

Bakgrunnsstoff[endre | endre wikiteksten]

Commons-logo.svg Commons har multimedium som gjeld: Banjul