Barneombodet
 | |
| Type | Forvaltingsorgan |
|---|---|
| Virkefelt | Noreg |
| Skipa | 1981 |
| Barneombud | Inga Bejer Engh[1] |
| Hovudkontor | Karl Johans gate 7, 0154 Oslo |
| Eigar | Barne-, likestillings- og inkluderingsdepartementet[2] |
| Tilsette | 18 (2015)[2] |
| Nettside | barneombudet.no |
Barneombodet er eit offentleg ombod, skipa med heimel i Lov om barneombod av 6. mars 1981. Ombodet si oppgåve er å sjå til at lovgjeving som gjeld barn sine interesser blir etterlevde. Barneombodet blir utnemnt av Kongen i statsråd for ei fireårsperiode, og kan maksimalt sitje i to periodar. Barneombodet er ein fagleg autonom institusjon, men er administrativt underlagt Barne-, likestillings- og inkluderingsdepartementet.
Historikk[endre | endre wikiteksten]
I boka «Umyndige personer» lanserte Anders Bratholm tanken om eit barneombod i Noreg allereie i 1969. Etter debatt utover på 1970-talet blei Barnelovutvalet sett ned i 1975, leia av Frederik Beichmann. Ved opprettinga i 1981 blei Målfrid Grude Flekkøy det første barneombodet i verda.
Barneomboda[endre | endre wikiteksten]
- Målfrid Grude Flekkøy (1981–1989)
- Trond-Viggo Torgersen (1989–1995)
- Trond Waage (1996–2004)
- Reidar Hjermann (2004–2012)
- Anne Lindboe (2012–2018)
- Inga Bejer Engh (2018-2024)
Ida Hjort Kraby blei utnemnd 8. februar 2008, og skulle etter planen tiltre som nytt barneombod i april 2008, men trekte seg allereie 14. februar 2008 etter at det blei kjent at det hadde vore personleg kontakt med barne- og likestillingsminister Manuela Ramin-Osmundsen, sjå Barneombodsaka. Reidar Hjermann hadde sin siste arbeidsdag på kontoret 11. april 2008, og nestleiar hos barneombodet Knut Haanes tok til 14. april 2008 som fungerande barneombod medan arbeidet med å tilsette ein etterfølgjar heldt fram. Reidar Hjermann blei så gjenoppnemd 20. juni 2008.
Kjelder[endre | endre wikiteksten]
- ↑ «Om Barneombudet». barneombudet.no. Henta 17. august 2018.
- ↑ 2,0 2,1 Talet på tilsette i følge Norsk samfunnsvitenskapelig datatjenestes forvaltningsdatabase
