Berndt Gustafsson
| Berndt Gustafsson | |||
| Fødd | 30. mai 1920 Rogberga församling | ||
|---|---|---|---|
| Død | 20. september 1975 Salems församling | ||
| Nasjonalitet | Sverige | ||
| Område | religionssosiologi | ||
| Yrke | religionssosiolog, sosiolog, teolog, universitetslærar | ||
| Institusjonar | Lunds universitet | ||
Brundt Gunnar Edvin Gustafsson (30. mai 1920–20. september 1975) var den fyrste religionssosiologen i Sverige. Han grunnla Religionssociologiska Institutet i Stockholm 1962, og skildra i fleire forskingsrapportar, bøker og artiklar utviklinga av religiøst liv i Sverige.
Liv
[endre | endre wikiteksten]Gustafsson var son til Edvin Gustafsson, som var banevakt og sosialdemokratisk parlamentsmedlem, og Anna, fødd Pettersson. Etter studenteksamen i Jönköping studerte han ved Lund Universitet, der han òg blei redaktør for studentavisa Lundagård i 1945. Han tok eksamen som teologisk kandidat i 1945, og blei prestevigd i 1946 i Växjö domkyrkje. Gustafsson blei teologie licentiat 1949 og teologie doktor i 1953 på avhandlingen Socialdemokratien och kyrkan 1881-1890. Same året fekk han blei han også filosofie licentiat i sosiologi.
Gustafsson blei utnemnd til dosent i kyrkjehistorie ved universitetet i Lund i 1953. Forskinga som byrja med kyrkjehistoria blei snart utvida til kyrkja si rolle i samfunnet og ulike religiøse uttrykk. Han knytte fleire kunnskapsfulle medarbeidar til Religionssociologiska Institutet, og la grunnlaget for svensk religionssosiologisk forsking. I tillegg til forfattarskap og forsking var han ein velkjend og verdsett foredragshaldar rundt om i landet, og han var lektor ved Gymnasium i Bandhag 1963-1966.
Saman med Gunnar Hillerdal samla Gustafsson inn augevitneskildringar av jesusopplevingar i boka De såg och hörde Jesus (1973). Han samla òg inn og gav ut Svenska folkets böner (1970) og Gud i folkets hjärta (1973).
Gustafsson var direktør for Svenska Kyrkans Centralråd frå 1971. I 1975, same året som Gustafsson døydde, blei det fyrste professoratet i religiøs sosiologi i Sverige oppretta. Berndt Gustafssons minnesfond blei skipa etter at han var død for å fremja religionssosiologisk forsking.
Familie
[endre | endre wikiteksten]Berndt Gustafsson var bror til teologen Anne-Marie Thunberg.
Bibliografi (i utval)
[endre | endre wikiteksten]- Kyrkoliv och samhällsklass i Sverige omkring 1880, 1950
- Socialdemokratien och kyrkan 1881-1890, 1953 (akademisk avhandling)
- Småkyrkorörelsen. Dess historiska bakgrund, 1955
- Manligt – Kvinnligt - Kyrkligt i 1800-talets svenska folkliv, 1956
- Svensk kyrkohistoria, 1957
- I den natt, studier i Sören Kierkegaards förfallsteori, 1962
- Religionens roll i samhället, 1963
- Religionssociologi, 1965
- Svenska folkets religion, 1969
- Svensk kyrkogeografi, 1971
- Gunnar Svensson, vatteningenjör, 1972 (roman)
- Svenskarnas religion (med Åke Ohlmarks), 1974
- Född 1920, 1976 (dikt)
- Tecken och tydning, 1976 (spalter frå avisa Dagen)
Kjelder
[endre | endre wikiteksten]- Denne artikkelen bygger på «Berndt Gustafsson» frå Wikipedia på svensk, den 5. desember 2024.
- Skog Margareta: Berndt Gustafsson: forskare och visionär : minnesskrift, Proprius, Stockholm 1976 (swe). ISBN 91-7118-246-2. Libris 7604858.
- Religionssociologiska institutets publikationer: forskningsrapporter, litteraturöversikter, analyserande artiklar, siffersammanställningar, [Centrum för teologi och religionsvetenskap], Lunds universitet, Lund 2013 (swe). ISBN 9197476080. Libris 14217116.
- Anders Bäckström, Religionssociologins pionjärer i Sverige. Om ett akademiskt ämnes framväxt och konsolidering genom ämnespionjärerna Berndt Gustafsson, Göran Gustafsson och Thorleif Pettersson. Artos 2022.. ISBN 978-91-7777-251-4