Bernhard Berthelsen

Bernhard Berthelsen
	Bernhard Berthelsen
Fødd	16. mars 1897; Sør-Audnedal
Død	25. august 1964 (67 år)
Statsborgar av	Noreg
Parti	Venstre, Arbeidarpartiet
Yrke	politikar, tollar, idrettsleder, fotballdomar
Alle verv	stortingsrepresentant (1945–1950); stortingsrepresentant (1950–1954) ;

Bernhard Berthelsen (16. mars 1897–25. august 1964) var ein norsk tollar frå Arendal som representerte Venstre og kjøpstadene i Telemark og Aust-Agder på Stortinget i to valperiodar frå 1945 til 1953.

Berthelsen var son til ein sjømann. Etter å ha gått middelskulen arbeidde han i tolletaten frå 1914, i Kristiansand og Arendal. I 1928 rykte han opp til tollkontrollør, frå 1946 arbeidde han som tollinspektør i Arendal. Perioden 1951-57 var han distriktssjef i Bergen tolldistrikt og 1957-64 var han driftssjef i Tolldirektoratet.

Berthelsen var medlem i bystyret i Arendal frå 1934 til 1946. Etter å ha flytta til Bergen var han valperioden 1956-59 bystyremedlem også der. Før den tid var han stortingsrepresentant for partiet Venstre og dei sju kjøpstadene i Telemark og Aust-Agder i to samanhengande periodar; 1945-49 og 1950-53. Alle åtte tingsesjonane var han sekretær i Administrasjonskomiteen.

Kjelder

Stortingsbiografi
Norsk tollkalender 1953. Oslo. 1953. s. 138.
Norsk tollkalender 1942. Oslo: Grøndahl. 1942. s. 46.
Grøndahl, Øyvind Nordbrønd (2004). Det norske tollvesens historie : Tiden etter 1940. Oslo: Tolldirektoratet. s. 122.
«Lindesnes 1964.08.28». 1964. s. 2. Dødsfall